Toshkent viloyati davlat soliq boshqarmasi boshlig‘i hamda viloyat ichki ishlar bosh boshqarmasi mutasaddilari hamkorligida Quyichirchiq tumanining Beruniy mahallasida mehnat yarmarkasi tashkil etildi.
Yoshlar hamda ayollar bandligini ta’minlash maqsadida tashkil etilgan mazkur yarmarkada 36 ta korxona va tashkilotlar o‘zlarining 362 ta bo‘sh ish o‘rinlari bilan ishtirok etdilar.
Yarmarka davomida ishtirokchilar o‘zlari uchun qiziq bo‘lgan bo‘sh ish o‘rinlari bo‘yicha ma’lumotga ega bo‘ldilar hamda 92 nafar ishsiz yoshlar va 7 nafar bandligi ta’minlanmagan ayollar ishga joylashish bo‘yicha yo‘llanmalarga ega bo‘ldilar.
Shuningdek, yoshlarning 4 nafari jamoat ishlariga, yana 4 nafari qayta kasbga o‘qitish bo‘yicha yo‘llanma olgan bo‘lsalar, 11 nafar band bo‘lmagan yoshlarga imtiyozli kredit olib o‘z bizneslarini tashkillashtirish bo‘yicha ko‘rsatmalar berildi.
Tadbirda ishtirokchilarning kayfiyatlarini ko‘tarish maqsadida san’at ustalari tomonidan konsert dasturi ham namoyish etildi.
Ta’kidlash kerakki, Beruniy MFY xududining markazida 4 sektor rahbari tashabbusi bilan “Yoshlar innovatsion markazi” ochilgan bo‘lib, hozirgi kunda yoshlarni kasb-hunarga o‘rgatish uchun o‘quv kurslari tashkillashtirilgan. Hozirda 8 ta yo‘nalish bo‘yicha o‘quv kurslari faoliyat ko‘rsatmokda.
Sektorning 7 ta Mahalla fuqoralar yig‘ini xududlarida eng qulay joylar tanlanib, mahalla yoshlari uchun kichik sport maydonchalari foydalanishga topshirildi.
Ma’lumot o‘rnida aytish kerakki, Quyichirchiq tumanida “Ayollar daftari”ga kiritilganlar soni 3 901 nafardan iborat bo‘lib, ulardan mehnatga layoqatli ishsiz ayollar 402 nafarni tashkil etadi. Bugungi kungacha ularning 216 nafari (53,7%) 4-sektor rahbari tomonidan ish bilan ta’minlandi. Bundan tashqari “Yoshlar daftari”ga kiritilgan mehnatga layoqatli 305 nafar ishsiz yoshlarning 194 nafari ishga jalb qilindi.
Toshkent viloyati davlat soliq boshqarmasi axborot xizmati
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Ronaldu "Al Nassr"ni Qirol kubogi finaliga olib chiqdi
Jarimalardan 100 mln so‘m qarzi bor avtomobil Qamchiq dovonida ushlandi
Shavkat Mirziyoyev ikki yirik tuzilma rahbarlari bilan muloqot o‘tkazdi
Toshkent viloyatida muqaddam 8 marotaba sudlangan “soxta operator” qayta jinoyatga qo‘l urdi
"Liverpul" futbolchisi jamoadoshining xotini bilan “don olishib yurgani" ma’lum bo‘ldi
Ukrainada OIV va saraton kasalligiga chalingan bemorlar armiyaga chaqiriladi
Kolumbiya Isroil bilan diplomatik aloqalarni uzdi