Toshkentdagi mashina yuvish shoxobchasidan Nexia’ni olib qochgan shaxs qo‘lga olindi, deya xabar bermoqda shahar IIBB matbuot xizmati.
Ma’lum qilinishicha, 2021 yil 22 fevral kuni fuqaro 102 raqamiga telefon qilib, davlat raqami 01 O 650 MB bo‘lgan Nexia-3 rusumli avtomashinasi olib qochilganini ma’lum qiladi.
Mazkur xabar asosida Sergeli tumani IIO faoliyatini muvofiqlashtirish boshqarmasining tezkor-tergov guruhi hodisa joyiga yetib borgan.
Mashina egasining ma’lum qilishicha, u avval 2 marta avtomobilini ushbu shaxsga yuvdirgan.
Toshkent shahar IIBB jinoyat qidiruv boshqarmasi va tuman IIO faoliyatini muvofiqlashtirish boshqarmasi xodimlari harakatlari natijasida avtomobilni olib qochgan shaxs qo‘lga olinib, tergovga jalb qilingan.
Mashina Andijon shahri Amir Temur shohko‘chasida joylashgan avtosalon oldida shikastlangan holatda topilgan.
«Ozgina ichgan edim. Mashinani yuvib, birpas aylangim keldi. Aylanib turib, keyin Andijonga minib ketdim. Yo‘lda ‘GAI’lar to‘sgandi, qaytarib olib kelib qo‘yishga qo‘rqdim. Qilgan ishimdan pushaymonman», — deydi mashinani olib qochgan shaxs.
Mazkur holat yuzasidan Sergeli tumani IIO faoliyatini muvofiqlashtirish boshqarmasi tergov bo‘limi tomonidan Q. ismli shaxsga nisbatan Jinoyat kodeksining 267-moddasi 1-qismi (transport vositasini olib qochish) bilan jinoyat ishi qo‘zg‘atilgan.
Aniqlanishicha, 1983 yilda tug‘ilgan ayblanuvchi muqaddam Jinoyat kodeksining bir nechta moddalari bilan sudlanib, jazolangan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Orzudagi uy — qishda issiq, yozda salqin. Bunga qanday erishish mumkin?
Pnevmatik qurollarni o‘z ixtiyori bilan topshirganlar javobgarlikdan ozod etiladi
Jizzaxda uchta yuk mashinasi ishtirokida YTH sodir bo‘ldi
“Umra” ziyoratiga borib kelish tartibi takomillashtiriladi
Ukraina prezidenti mahbuslarni safarbar qilish to‘g‘risidagi qonunni imzoladi
Eron prezidentini olib ketayotgan vertolyot halokatga uchradi
Messining salkam 1 million dollarga sotilgan salfetkasi haqida