Foto: nova24.uz
Bandlik va mehnat munosabatlari vazirligida 24 mart kuni Odam savdosiga va majburiy mehnatga qarshi kurashish milliy komissiyasining navbatdan tashqari yig‘ilishi bo‘lib o‘tdi, deb xabar beradi Repost.
Ma’lum qilinishicha, shu kungacha ko‘rilgan choralar natijasida odam savdosiga bog‘liq 93 ta jinoyat qayd etilgan. Ularning 51 tasi — jinsiy foydalanish, 3 tasi — mehnatda foydalanish, 39 tasi chaqaloqlar savdosiga bog‘liq jinoyatlar.
«Yengil jazolarni qo‘llash — bu tushunarsiz vaziyat, ayniqsa, odam savdosi bilan shug‘ullanayotganlarga nisbatan. Bir necha yil oldin mashina o‘g‘rilari keskin kamaydi, bunga avtomobil o‘g‘irlash bo‘yicha sodir etilgan jinoyatlarga qattiq jazolar joriy etilgani sabab bo‘lgan. Chaqaloq savdosi avtomobil savdosidan og‘irroq jinoyat bo‘lsa kerak?! Odam savdosiga bog‘liq aybdorlarning barchasini jinoiy javobgarlikka tortish kerak», — deydi Oliy Majlis Senati raisi Tanzila Norboyeva.
Ta’kidlanishicha, 2020 yilda odam savdosi bilan bog‘liq 1029 ta murojaatdan 93 tasiga (9 foiz) jinoiy ish qo‘zg‘atilgan va 129 huquqbuzarga nisbatan qonuniy choralar ko‘rilgan. Ushbu ko‘rsatkichlar 2019 yilga nisbatan pasaygan.
Shu bilan birga, 2020 yilda voyaga yetmaganlardan tijorat maqsadlarida shaxsiy foydalanish bilan bog‘liq jinoyatlar soni 2019 yilga nisbatan 6 baravar oshgan.
Ma’lumot uchun, O‘zbekistonda 2018 yilda odam savdosi jinoyatlari ichida chaqaloq savdosining ulushi 38 foizni, 2019 yilda esa 44 foizni tashkil qilgan. 2017—2020 yillarda chaqaloq savdosi bilan bog‘liq 185 ta holat aniqlangan. Tahlillarga ko‘ra, o‘z chaqalog‘ini sotgan ayollarning 31 foizi og‘ir ijtimoiy ahvolda ekanligi sababli, 17 foizi homilani yashirish, 52 foizi esa moddiy manfaat topish maqsadida ushbu jinoyatlarni sodir etgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Zelenskiy: Rossiya Ukrainaning issiqlik energetikasini deyarli to‘liq yakson qildi
Qondagi shakar miqdorini tartibga soluvchi foydali meva nomi aytildi
Biznes imkoniyatingizni kengaytiring
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
AQSH razvedkasi: Ukraina 2024 yil oxirigacha urushda yutqazishi mumkin