Foto: Prezident matbuot xizmati
O‘zbekiston Prezidenti Shavkat Mirziyoyev 9 iyun kuni Qatar bosh vaziri o‘rinbosari, tashqi ishlar vaziri shayx Muhammad ibn Abdurahmon Ol Soniy boshchiligidagi delegatsiyani qabul qildi.
Ko‘p qirrali O‘zbekiston–Qatar munosabatlarini yanada rivojlantirish masalalari ko‘rib chiqildi. Davlat rahbari ikki tomonlama hamkorlik sur’ati keyingi yillarda jadallashib borayotganini mamnuniyat bilan qayd etdi. Xususan, yuqori darajadagi tashriflar va siyosiy maslahatlashuvlar o‘tkazildi, tovar ayirboshlash ko‘rsatkichlari o‘smoqda. Ishbilarmonlik va turizm sohalaridagi almashinuvlarni rag‘batlantirish maqsadida Qatar fuqarolari O‘zbekistonda bo‘lishi uchun viza tartibi soddalashtirildi.
O‘zbekiston Prezidenti Qatar amiri shayx Tamim Ol Soniyga mamlakatga rasmiy tashrif bilan kelish to‘g‘risidagi taklifini tasdiqladi.
Foto: Prezident matbuot xizmati
Qatar delegatsiyasi rahbari, o‘z navbatida, iliq qabul uchun O‘zbekiston yetakchisiga samimiy minnatdorlik bildirib, Qatar amirining salomi va ezgu tilaklarini yetkazdi.
Suhbatda O‘zbekiston Prezidenti birinchi navbatda savdo, investitsiyaviy, innovatsiyaviy, moliyaviy-texnik sohalarda, shuningdek, imzolangan Havo qatnovi to‘g‘risidagi hukumatlararo bitimga muvofiq – transport sohasida amaliy sheriklikni yo‘lga qo‘yish va kengaytirish muhim ekanini ta’kidladi.
Qo‘shma investitsiya jamg‘armasini tashkil etish, Qatarning yetakchi kompaniyalari va bank-moliya institutlarini jalb qilgan holda sanoat tarmoqlarida zamonaviy ishlab chiqarishlarni ishga tushirish, O‘zbekistonda qishloq xo‘jaligi mahsulotlarini chuqur qayta ishlash, infratuzilmani modernizatsiya qilish bo‘yicha istiqbolli loyihalarni tez fursatda tayyorlash va ilgari surish muhimligi qayd etildi.
Foto: Prezident matbuot xizmati
Bundan tashqari, ta’lim, fan, madaniyat va ziyorat turizmi sohalarida almashinuvlar dasturlarini amalga oshirishdan ikki mamlakat ham manfaatdor ekani ta’kidlandi.
Xalqaro siyosatga doir va mintaqaviy kun tartibidagi dolzarb masalalar yuzasidan ham fikr almashildi. Qatar tashqi siyosiy idorasi rahbari O‘zbekistonning Afg‘onistondagi vaziyatni tinch yo‘l bilan hal etishga va ushbu mamlakatning iqtisodiy tiklanishiga ko‘maklashish borasidagi faol sa’y-harakatlarini yuksak baholadi va qo‘llab-quvvatladi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
