18:00 / 14.07.2021
3 110

«Qur’oni karim suralari va duolari fazilati» kitobida xatoliklar chiqqani sabab uni sotib olingan joyga topshirish tavsiya etildi


Foto: O‘zbekiston musulmonlari idorasi matbuot xizmati
Shu kunlarda ijtimoiy tarmoqlarda «Qur’oni karim suralari va duolari fazilati» nomli kitobda «Baqara» surasidagi xatoliklar to‘g‘risidagi xabarlar keng tarqalmoqda. O‘zbekiston musulmonlari idorasi matbuot xizmati ushbu masala yuzasidan idora mutaxassislari o‘rganishlar olib borganini ma’lum qildi.

Aniqlanishicha, xatoliklar, asosan, «Baqara» surasida yo‘l qo‘yilgan bo‘lib, oyatlardagi arabcha so‘zlar texnik ishlanmalar natijasida o‘rinlari almashib ketgan.

Kitobni nashrga tayyorlovchi Mirfathullo Qodirovning vakili — farzandi Mirodil Qodirov mazkur xatoliklar oxirgi chop etish jarayonida, ya’ni kitob maketini kompyuter dasturidan bosmaxona fayliga o‘girishdagi e’tiborsizlik oqibatida yo‘l qo‘yilganini e’tirof etgan hamda barcha musulmonlar va kitobxonlardan uzr so‘ragan.

Shuningdek, mualliflardan biri sifatida qayd etilgan Tavakkal domla Kenjayev («Eshon Boboxon» masjidi imomi) esa ushbu kitobni tayyorlash va nashr etishda mutlaqo ishtirok etmagani, uning roziligisiz ismlari yozilgani ma’lum bo‘lgan. Nashrga tayyorlovchi mas’ullar Tavakkal domla Kenjayevdan ham yuzaga kelgan noqulayliklar uchun kechirim so‘ragan.

«Nashrga tayyorlovchilar ‘Qur’oni karim suralari va duolari fazilati’ kitobini qaytarib olishni o‘z zimmasiga oladilar. Ushbu nuqsonli kitobni topshirish uchun Toshkent shahri ‘Chorsu’ mavzesida joylashgan ‘Kitoblar dunyosi’ majmuasidagi 10-rastaga topshirish mumkinligi ma’lum qilinadi.

Shuningdek, Qoraqalpog‘iston Respublikasi va viloyatlarda yashovchi fuqarolar esa o‘zlari sotib olgan sotuvchilarga topshirishlari tavsiya etildi. O‘z navbatida, kitobning nuqsonli joyini to‘g‘rilab berish kafolatini ham nashrga tayyorlovchilar o‘z zimmalariga oladi», — deyiladi O‘zbekiston musulmonlari idorasi xabarida.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » «Qur’oni karim suralari va duolari fazilati» kitobida xatoliklar chiqqani sabab uni sotib olingan joyga topshirish tavsiya etildi