Alisher Qodirov nomzodi O‘zbekiston prezidentligiga ilgari surildi

«Milliy tiklanish» partiyasi prezidentlikka Alisher Qodirov nomzodini ko‘rsatdi.

A.Qodirov 1975 yilda Toshkent shahrida tug‘ilgan. 1996 yilda Turkiyaning Egey universitetini, 2009 yilda Toshkent Moliya institutini, 2011 yilda O‘zbekiston Prezidenti huzuridagi davlat va jamiyat qurilishi akademiyasini tamomlagan.

Ko‘p yillar Tashqi iqtisodiy aloqalar vazirligi, Davlat mulk qo‘mitasi tizimlarida turli lavozimlarda, shuningdek, Ma’naviyat va ma’rifat markazining rahbari bo‘lib faoliyat yuritgan.

2015 yildan buyon O‘zbekiston Respublikasi Oliy Majlisi Qonunchilik palatasi deputati.
Rus, ingliz va turk tillarini biladi. “Zamin” yangiliklarini “Telegram”da kuzatib boring