Foto: Videodan kadr
O‘zbekiston fuqarolarni Afg‘onistondan aviatsiya transportida O‘zbekiston hududi orqali tranzit yo‘li bilan Germaniyaga evakuatsiya qilish bo‘yicha yordam bermoqda. Belgilangan fuqarolarning evakuatsiya qilinishini ta’minlash uchun O‘zbekiston tomoni alohida terminal ajratdi. Shu sababli «Toshkent-3» aeroporti noma’lum muddatga yopildi. «O‘zbekiston 24» telekanali reportajida evakuatsiya qilish jarayoni namoyish etildi.
Qayd etilishicha, ayni paytda Toshkent aeroporti tranzit vazifasini o‘tayotgani bois Afg‘onistondan kelganlarning harakatlanishiga ruxsat berilmaydi. Germaniya reyslari Toshkentdan yo‘lovchi reyslari orqali olib ketguniga qadar evakuatsiya qilinganlarning hech biri shaharga chiqmaydi.
«O‘zbek xalqiga, o‘zbek millatiga katta rahmat. Bizlar oldin ham O‘zbekistonga kelganmiz, ammo bunday kelganimiz yo‘q. Bunday kelishimizning sababi Afg‘onistondagi vaziyat. Ko‘p qiyinchilik bilan keldik bu yerga. Biz juda minnatdormiz o‘zbek davlatiga. Bizlarni shunday ochiq ko‘ngil bilan kutib oldilar. Sharoitlar ham bor. Ovqat, tibbiy xizmat, bolalarga xizmat bor — hamma sharoitlar bu yerda bor. Buning uchun biz katta rahmat deymiz», — deydi evakuatsiya qilingan fuqarolardan biri telekanal muxbiriga.
«Gazeta.uz»ning yozishicha, Uzbekistan Airways samolyoti 19 avgust, payshanba kuni Afg‘onistondan avvalroq evakuatsiya qilingan fuqarolarni Toshkentdan Frankfurt Maynga yetkazdi. Germaniya Mudofaa vazirligi ma’lumotlariga ko‘ra, samolyotda 200 dan ortiq yo‘lovchi bo‘lgan. Payshanba kuni tushdan keyin ular harbiy samolyotda Kobuldan 211 kishini olib ketishga muvaffaq bo‘ldi. Shunday qilib, Toshkent orqali evakuatsiya qilinganlar soni 900 kishidan oshdi. Bundan avval evakuatsiya qilinganlarni faqat Germaniyaning Lufthansa aviakompaniyasi samolyotlari olib ketayotgan edi.
Ta’kidlanishicha, Kobulda xavfsizlik holati bunga imkon berguniga qadar evakuatsiya ishlari davom ettiriladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
«Ziki eski shahar» laqabi bilan tanilgan Lutfulla Umarovga sud hukmi o‘qildi
Usmon Toshev: "Olimpiadaga chiqqanimizdan 20 daqiqa o‘tgach, ko‘plab jamoalardan takliflar tushdi"
Botir Qodirov va Jo‘rayevlarga oid sud ishi yopiq tarzda ko‘rib chiqiladigan bo‘ldi
Bayden talabalarning norozilik namoyishlari uning Isroilga nisbatan siyosatini o‘zgartirmasligini aytdi
AQSH Rossiyaga qarshi yangi sanksiyalar kiritdi
Ayollar erkaklarga qaraganda uzoqroq yashashadi, lekin...
Baxt aslida nimadaligini tushunishga yordam beradigan 5 ta film