Saylov kuni (24 oktabr) soat 8.00 dan 20.00 gacha ovoz berish mumkin. Saylovchi uchastka saylov komissiyasining a’zosiga o‘z shaxsini tasdiqlovchi hujjatni ko‘rsatib, saylovchilar ro‘yxatiga imzo qo‘ygandan so‘ng unga saylov byulleteni beriladi.
Saylovchi ism-familiyasi biron-bir sababga ko‘ra ro‘yxatga kirmay qolgan bo‘lsa, saylovchilarning familiyalari shaxsi, fuqaroligi va yashash joyini tasdiqlovchi hujjat asosida saylovchilar ro‘yxati ilovasiga kiritiladi.
Saylovchi saylov byulletenini olgach, uni yashirin ovoz berish kabinasida yoki xonasida to‘ldiradi.
Byulletenni to‘ldirish chog‘ida ovoz beruvchi shaxsdan boshqa shaxslarning hozir bo‘lishi taqiqlanadi.
Saylovchi byulletenni mustaqil ravishda to‘ldirish imkoniyatiga ega bo‘lmasa, o‘z xohishiga ko‘ra yashirin ovoz berish kabinasiga yoki xonasiga boshqa shaxsni taklif qilishga haqli. Saylov komissiyasi tarkibiga kiradigan shaxslar, kuzatuvchilar va OAV vakillari bundan mustasno.
Yoqlab ovoz berilayotgan nomzodning familiyasi ro‘parasidagi o‘ng tomonda joylashgan bo‘sh kvadratga «+» yoki «✔️» yoxud «x» belgilaridan biri qo‘yiladi.
Ovoz berish vaqtida saylov byulleteni buzib qo‘yilsa, saylovchining iltimosiga ko‘ra yangisiga almashtirilishi mumkin.
Ayrim saylovchilar sog‘lig‘ining holatiga yoki boshqa sabablarga ko‘ra ovoz berish binosiga kela olmagan hollarda, tegishli uchastka saylov komissiyasi ovoz berishni ushbu saylovchilarning iltimosiga binoan ular turgan joyda tashkil etadi.
Bunda tegishli komissiyaning kamida 2 nafar a’zosi ko‘chma saylov qutisi bilan saylovchining turgan joyiga yuboriladi, ular saylovchining xohish-irodasi sir saqlanishiga rioya etilgan holda ovoz berish amalga oshirilishini ta’minlaydi.
Saylov kuniga qadar yoki saylov kuni 18 yoshga to‘lgan fuqarolar doimiy yoki vaqtincha yashash joylaridagi saylov uchastkasida ovoz berishi mumkin.
Sud tomonidan muomalaga layoqatsiz deb topilgan fuqarolar, shuningdek og‘ir va o‘ta og‘ir jinoyatlar sodir etganligi uchun sudning hukmi bilan ozodlikdan mahrum etish joylarida saqlanayotgan shaxslar saylovda ishtirok etmaydi.
Saylov kuni rasmga tushsa bo‘ladimi?
Saylov kuni saylov uchastkasi tashqarisida ham, ichkarisida ham fuqarolar rasmga tushishi (olishi) mumkin. Bunga hech qanday cheklov yo‘q.
Saylov kabinasining ichida ham, uning yonida ham rasmga tushish mumkin. Bunga hech qanday cheklov yo‘q.
Saylov qutisining oldida ham, boshqa saylovchilarga xalaqit bermasdan, bemalol rasmga tushsa bo‘ladi. Hatto bu suratlarni ijtimoiy tarmoqlardagi sahifalarga ham joylash mumkin.
Saylov byulletenida aynan kimga ovoz berganini ko‘rsatib rasmga tushish va buni tarqatish, ijtimoiy tarmoqlarda e’lon qilish qat’iy man etiladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Apple dongdor ikki ayfonini rasman eskirgan deb e’lon qildi
Global ochlik va qashshoqlikka qarshi kurash alyansiga 82 mamlakat a’zo bo‘ldi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Organizm o‘zini toksinlardan qanday tozalaydi?
KXDR Rossiyaga 100 minggacha harbiy yuborishi mumkin
Xatolar va mag‘lubiyatlar... ular kechiriladimi?
Endi operatsiyadan so‘ng kesmalar o‘rni ikki barobar tezroq bitishi mumkin
Tyumen oblastiga O‘zbekistondan mehnat migrantlari ishga jalb qilinadi
