Saylovdagi ovozlar soni e’lon qilindi

Markaziy saylov komissiyasi prezident saylovida nomzodlar qanchadan ovoz olgani haqidagi raqamlar statistikasini e’lon qildi.
Qayd etilishicha, O‘zbekiston Respublikasi bo‘yicha saylovchilarning umumiy soni – 20 million 158 ming 907 nafar.

Okrug saylov komissiyalariga yuborilgan saylov byulletenlarining umumiy soni – 20 million 259 ming 701 ta.
Saylov byulletenlarini olgan saylovchilar soni – 16 million 212 ming 343 nafar.
Foydalanilmagan va buzib qo‘yilib, bekor qilingan saylov byulletenlarining umumiy soni – 4 million 47 ming 358 ta.

Ovoz berishda ishtirok etgan saylovchilarning umumiy soni – 16 million 212 ming 343 nafar bo‘lib, shundan muddatidan oldin ovoz berishda ishtirok etganlar 421 ming 176 nafarni tashkil etdi.

Kimga qancha ovoz berildi?
O‘zbekiston «Adolat» sotsial-demokratik partiyasidan nomzod Abduhalimov Bahrom Abdurahimovichga – 549 ming 766 nafar yoki ovoz berishda ishtirok etgan saylovchilarning 3,39 foizi;

Tadbirkorlar va ishbilarmonlar harakati – O‘zbekiston Liberal-demokratik partiyasidan nomzod Mirziyoyev Shavkat Miromonovichga – 12 million 988 ming 964 nafar yoki ovoz berishda ishtirok etgan saylovchilarning 80,12 foizi;

O‘zbekiston Ekologik partiyasidan nomzod Oblomuradov Narzullo Naimovichga – 670 ming 641 nafar yoki ovoz berishda ishtirok etgan saylovchilarning 4,14 foizi;

O‘zbekiston «Milliy tiklanish» demokratik partiyasidan nomzod Qodirov Alisher Keldiyevichga – 888 ming 515 nafar yoki ovoz berishda ishtirok etgan saylovchilarning 5,48 foizi;

O‘zbekiston Xalq demokratik partiyasidan nomzod Vorisova Maqsuda Azizovnaga – 1 million 75 ming 16 nafar yoki ovoz berishda ishtirok etgan saylovchilarning 6,63 foizi yoqlab ovoz bergan.

Haqiqiy emas deb topilgan saylov byulletenlarining soni – 39 ming 443 tani yoki 0,24 foizni tashkil qildi. “Zamin” yangiliklarini “Facebook”da kuzatib boring