Apelsinning ko‘pchilikka noma’lum foydali xususiyatlari

^{Foto: Harper’s Bazaar}
Apelsinning foydalari haqida gap ketganda, darhol C vitamini yodga tushadi. Albatta, bu sitrus meva askorbin kislotasining yuqori miqdori bilan to‘yingan, ammo bu uning foydali xususiyatlarining oxiri emas. Apelsin organizmning barcha tizimlariga foydali ta’sir ko‘rsatadigan turli xil moddalarga boy, ovqat hazm qilish tizimidan tortib asab tizimiga qadar.

Bitta katta apelsin C vitamini kunlik qiymatning taxminan 80 foizini o‘z ichiga oladi. Askorbin kislotasi organizmda juda ko‘p muhim funksiyalarga ega. Bu immunitetni mustahkamlash va saqlashga yordam beradi, yallig‘lanish jarayonlarining rivojlanishiga to‘sqinlik qiladi, organizmda tabiiy kollagen ishlab chiqarishni rag‘batlantiradi va shu bilan qarish jarayonini sekinlashtiradi. Bundan tashqari, C vitamini organizmning energiya uchun yog‘ zahiralaridan foydalanish qobiliyatini oshiradi. American Journal of Clinical Nutrition jurnalida chop etilgan tadqiqotga ko‘ra, organizmdagi C vitaminining past darajasi vazn ortishi xavfi bilan bevosita bog‘liq.

Apelsin ovqat hazm qilish tizimining to‘g‘ri ishlashi va sog‘lom ichak mikrobiomasi uchun zarur bo‘lgan kletchatkaga ham boy. Shuningdek, kletchatkaning ko‘p qismi uning mevasida emas, balki apelsinning oq po‘stida mavjud.

Apelsinlar yallig‘lanishga qarshi ta’sirga ega flavonoid antioksidantlarning manbai hisoblanadi. Ular erkin radikallar bilan samarali kurashadi va tana hujayralarini shikastlanishdan himoya qiladi. Flavonoidlarning yaqinda o‘tkazilgan klinik tadqiqotlari shuni ko‘rsatdiki, ularning asab tizimi va ruhiy salomatlikka foydali ta’siri mavjud. Ular depressiya xavfini kamaytirishi mumkin va gerperidin deb ataladigan maxsus birikma Alsgeymer kasalligining rivojlanishining oldini oladi.

Ushbu mevaning qobig‘i ham maksimal darajada foydali. Qobiqning oq achchiq qatlamini ajratish oson. Shuningdek, salat, go‘shtli taomlar va choylarga undan qo‘shish mumkin. “Zamin” yangiliklarini “Telegram”da kuzatib boring