Oliy va o‘rta maxsus ta’lim vazirligi Respublika maxsus komissiyasining 7 fevraldan an’anaviy ta’lim shakliga o‘tilishiga oid qaroriga izoh berdi.
“Talabalarga qulaylik yaratish, doimiy turar joylaridan ta’lim muassasalariga xavfsiz, tirbandliklarsiz yetib kelishlari, joylarda avia va temir yo‘l chiptalarini almashtirish, talabalar-turar joylari, ijara asosida yashaydigan talabalarning ortiqcha qiyinchiliklarsiz joylashishlarini ta’minlash maqsadida OTMlarda o‘quv jarayonlari 7 fevraldan 24 fevralga qadar bosqichma-bosqich ana’naviy shaklga o‘tkaziladi. Shu davrda dars mashg‘ulotlari bir vaqtning o‘zida ham masofaviy, ham an’anaviy shaklda olib boriladi.
Bu jarayon har bir oliy ta’lim muassasasining ichki imkoniyatlari, o‘quv jarayonining hozirgi holati, mavjud shart-sharoitlarini inobatga olgan holda alohida reja-grafik asosida amalga oshiriladi.
Bu haqdagi ma’lumotlar har bir ta’lim maskanining rasmiy veb-sayti va ijtimoiy tarmoqlari orqali berib boriladi.
Oliy va o‘rta maxsus ta’lim vazirligi 24 fevraldan boshlab o‘quv yurtlarida ta’lim jarayonlari to‘liq an’anaviy shaklda olib borilishini ma’lum qiladi”, – deyiladi rasmiy e’londa.
Ta’kidlash kerak, bundan birozgina oldin Oliy va o‘rta maxsus ta’lim vazirligi boshqarma boshlig‘i Abduvali Xoliqov bundan boshqacharoq ma’lumot bergan edi. U nechanchi kursda o‘qiyotganidan qat’i nazar, barcha talabalar 7 fevraldan OTMlarda boshlanadigan an’anaviy darslarga kelishi kerakligi, faqatgina 2-semestrni 14 yo 21 fevraldan boshlashi avvaldan belgilab qo‘yilgan talabalar bundan mustasno ekanini aytgandi.
Vazirlik axborot xizmati e’lon qilgan yuqoridagi bayonot bundan farq qilishi qarorlar juda qisqa vaqt ichida o‘zgargani yoki qaror qabul qiluvchi va ijro etuvchilar o‘rtasida muvofiqlik yo‘qligini ko‘rsatadi.
Yakuniy qaror shu bo‘ldiki, OTMlarda darslar 7 fevraldan 24 fevralgacha ham onlayn, ham oflayn shaklda davom etadigan bo‘ldi. Qay birini tanlash talabalarning ixtiyori, biroq ular 24 fevraldan an’anaviy darslarga qaytishlari shart. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Borrel YEIning Isroil bilan muloqotini to‘xtatishni taklif qildi
Yaxshi pishgan va mazali anor tanlashga yordam beradigan tavsiyalar
