Xorijdan o‘qishni O‘zbekistonga ko‘chirish uchun o‘tish ballari tasdiqlandi

Oliy va o‘rta maxsus ta’lim vazirining tegishli buyrug‘i bilan 2022/2023-o‘quv yilida xorijiy davlatlardagi oliy ta’lim muassasalari, O‘zbekistonda faoliyat yuritayotgan nodavlat va xorijiy (filiallar) oliy ta’lim muassasalaridan davlat oliy ta’lim muassasalariga o‘qishni ko‘chirish uchun o‘tish ballari tasdiqlandi. Bu haqda Oliy ta’lim vazirligi matbuot kotibi xabar berdi.

Ma’lum qilinishicha, joriy yil tizimida oliy ta’lim muassasalari bo‘lgan vazirlik va idoralarning takliflari umumlashtirilib, ta’lim sohalari kesimida o‘tish ballari belgilangan. Yo‘nalishlar kesimidagi o‘tish ballarini Telegram’dagi @infoeduuz_bot orqali bilish mumkin.

^{Foto: Oliy va o‘rta maxsus ta’lim vazirligi}
Eslatib o‘tamiz, 2021/2022-o‘quv yili uchun xorijiy va nodavlat oliy ta’lim muassasalaridan o‘qishni ko‘chirish bo‘yicha o‘tkaziladigan maxsus sinovlar natijasiga ko‘ra to‘plash mumkin bo‘lgan maksimal ball 189 ballni tashkil etgandi. “Zamin” yangiliklarini “Instagram”da kuzatib boring