Hamkorlik davom etmoqda!

Bugungi kunda oramizda shunday haydovchilar ham borki, qonunda belgilab qo‘yilgan yo‘l harakati qoidalarini mensimasdan, tegishli hujjatlarga ega bo‘lmasdan, o‘z nafsini jilovlay olmay spirtli ichimliklar iste’mol qilgan holda transport vositasini boshqarib, nafaqat o‘zining balki boshqa fuqarolarning ham xayotiga xavf solmoqda.

Joriy yil boshida byuroning Oqoltin tuman bo‘limi ish yurituvida yo‘l harakati xavfsizligi bo‘limlari foydasiga 273 ta 93,1 mln.so‘mlik yo‘l harakati qoidalarini buzganlik bo‘yicha ijro hujjatlari kelib tushgan bo‘lib, hamkorlikdagi tadbirlar natijasida, shundan 217.8 mln.so‘mlik 370 ta ijro hujjatlarining ijrosi amalda tamomlandi.

Misol uchun, hamkorlikda tashkil etilgan reyd natijasida bir kunda qarzdorligi mavjud 9 nafar fuqarolarning transport vositalari jarima maydonchasiga vaqtincha saqlash maqsadida qo‘yilgan bo‘lsa, qarzdorlardan 14.7 mln.so‘m mablag‘ amalda undirilishi ta’minlandi.

Misol uchun, jinoyat ishlari bo‘yicha Oqoltin tuman sudining 16.03.2022 yildagi ijro varaqasiga asosan, qarzdor D.Bekovdan undiruvchi davlat foydasiga 82 mln. so‘m qarz undirish belgilangan, ijro ishi kelib tushgan kunning o‘zida ko‘zg‘atilib qarzdorni ogohlantirgan.

Qarzdor belgilangan muddatda to‘lamaganligi sababli, qarzdorga tegishli Lasetti rusumli avtomashina xatlanib, vaqtincha saqlash uchun Oqoltin tumanda joylashgan YPX maskaniga olib borildi. Hozirda qarzni undirish bo‘yicha ishlar davom ettirilmoqda. “Zamin” yangiliklarini “Facebook”da kuzatib boring