Men yo‘lbarsdan qo‘rmayman,
Chumolidan qo‘rqaman.
– Aybim ne, ezding? – degan
Savolidan qo‘rqaman.
Men qilichdan qo‘rqmayman,
Til tig‘idan qo‘rqaman.
Dilga solgan dog‘ining
Og‘rig‘idan qo‘rqaman.
Miskinlikdan qo‘rqmayman,
Boyib ketsam qo‘rqaman.
Tor ko‘prikda yuk bosib,
Toyib ketsam qo‘rqaman.
Men oz bilsam, qo‘rqmayman,
Ko‘proq bilsam, qo‘rqaman.
Nafs ra’yi deb ilmni
Uvol qilsam, qo‘rqaman.
Itlar hurar, qo‘rqmayman,
Karvon to‘xtar, qo‘rqaman.
Berk yo‘llarni kim ochar?
Sarbon uxlar, qo‘rqaman!
Telbalikdan qo‘rqmayman,
Aqlimdan, voh, qo‘rqaman.
Haddidan chetga chiqsa,
Oldimda choh, qo‘rqaman.
Murdadan hech qo‘rqmayman,
Mudroqlardan qo‘rqaman.
Marddan chiqmas yomonlik,
Qo‘rqoqlardan qo‘rqaman.
G‘ofil: “Qo‘rqma!” desa ham,
Dam-sasidan qo‘rqaman.
Haqni yod etmay olgan
Nafasidan qo‘rqaman.
Devdan qo‘rqmayman, derman,
Lekin zimdan qo‘rqaman.
Chunki dev o‘z ichimda,
Men o‘zimdan qo‘rqaman.
Odamidan qo‘rqmayman,
Nokaslikdan qo‘rqaman.
Qo‘rqit meni, Xudoyim,
Qo‘rqmaslikdan qo‘rqaman!
Fozil Zohid
2004 yil
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiya Isroil prezidenti samolyotini havo hududiga kiritmadi
Ijtimoiy tarmoqlar davrida ruhiy salomatlikni qanday saqlash mumkin?
Kim Chen In harbiylarni jangovar holatda turishga chaqirdi
Shimoliy Koreya Rossiyaga uzoqqa zarba beruvchi qurollar yubordi
Rashida Tolib Kongress a’zolariga «achchiq haqiqat»ning suratini ko‘rsatdi
Tyumen oblastiga O‘zbekistondan mehnat migrantlari ishga jalb qilinadi
Dunyoning mashhur ayollari kunni qanday boshlaydi?
KXDR Rossiyaga 100 minggacha harbiy yuborishi mumkin
