23:20 / 16.09.2022
1 481

Leonardo Di Kaprio «Kalmar oʻyini»da suratga tushishi mumkin

Leonardo Di Kaprio «Kalmar oʻyini»da suratga tushishi mumkin
Foto: 24 Kanal
Gollivud aktyori Leonardo Di Kaprio «Kalmar oʻyini» serialining uchinchi mavsumida suratga tushishi mumkin. Variety xabar berishicha, serial rejissyori Xvan Don Xyok Seulda oʻtkazilgan matbuot anjumanida shunday dedi.

Bugun, 16 sentyabr kuni Netflix kompaniyasi ushbu loyiha («Kalmar oʻyini») «Emmi» mukofoti bilan taqdirlanishi sharafiga matbuot anjumanini tashkillashtirdi. Tadbirda rejissyordan serialning ikkinchi mavsumida Gollivudning taniqli aktyorlaridan birontasi qatnashadimi, deb soʻrashdi.

«Ikkinchi mavsumda Gollivudning bironta taniqli aktyorini koʻrmaysiz. Bu rejada yoʻq. Chunki voqealar yana Koreyada boʻlib oʻtadi. Agar rejamiz oʻzgarsa, uchinchi mavsumda Gollivud aktyorini taklif etishimiz mumkin. Leonardo Di Kaprio «Kalmar oʻyini»ning muxlisi ekanini aytgandi, agar vaqt va qurbimiz imkon bersa, uni «Oʻyin»ga qoʻshishga urinib koʻramiz», — dedi rejissyor Xvan Don Xyok.

Xvanning aytishicha, «Kalmar oʻyini»ning ikkinchi mavsumini suratga olish 2023 yilda boshlanib, 2024 yilda namoyish etilishi rejalashtirilgan.
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Madaniyat