Shakira Qatardagi jahon chempionatida kuylashdan bosh tortdi

Kolumbiyalik xonanda Shakira Qatarda boʻladigan jahon chempionatining rasmiy ochilish marosimida qatnashishdan bosh tortdi, deb xabar tarqatdi Marca nashri.

Manbaning ta'kidlashicha, qoʻshiqchi rasmiy tadbirga bir necha kun qolganida Qatarning siyosiy rejimi tufayli mundialga bormasligini ta'kidlagan.

Avvalroq, taniqli san'atkorlardan Dua Lipa va Rod Styuart ham ana shu yoʻlni tanlagan edi.

Shakira muallifligidagi “Waka Waka” koʻshigʻi 2010 yili Janubiy Afrika Respublikasida oʻtkazilgan jahon chempionatining rasmiy gimniga aylangan edi. Oʻshanda kolumbiyalik goʻzal mundialning ochilish marosimida ushbu qoʻshigʻini kuylagan.

Eslatib oʻtamiz, futbol boʻyicha jahon chempionati Yaqin Sharq hududida ilk marotaba tashkil etilmoqda. “Zamin” yangiliklarini “Telegram”da kuzatib boring