FARZANDIM, QUR’ONNI YODLASHING KЕRAK!
Kechani kunduzga boylashing kerak,
Qur’onni qalbingga joylashing kerak,
Jannatda toj kiyib yayrashing kerak,
Bulbul xonishidek sayrashing kerak,
Farzandim, Qur’onni yodlashing kerak.
Har bitta harfiga yuz mingta savob,
Qabringga chiroqdir, savolga javob,
Mag‘zini chaqib ol, izlama sabab,
Ajrga to‘lgaydir yerdan to falak,
Farzandim, Qur’onni yodlashing kerak.
Umrimiz daraxti to‘kmoqda yaproq,
Bu daraxt kesilib, yiqilar, biroq,
Qorilar jasadin chiritmas tuproq,
Bu buyuk dovonni hatlashing kerak,
Farzandim, Qur’onni yodlashing kerak.
Xorazmiy, Nasafiy, Buxoriy bobom,
Farg‘oniy, Toshkandiy, Turobiy bobom,
Qur’onni yod olgan Surmoriy bobom,
Ilohiy kalomga talpinar yurak,
Farzandim, Qur’onni yodlashing kerak.
Sirotda hamrohing, tutar qo‘lingdan,
Qoqilma, burilma to‘g‘ri yo‘lingdan,
Shafoat qilg‘aydir o‘ngu so‘lingdan,
Duoga qo‘l ochgan ming bitta malak,
Farzandim, Qur’onni yodlashing kerak.
Ummatning yaxshisi – Qur’on hofizi,
Sunnatning yaxshisi – Qur’on hofizi,
Jannatning yaxshisi – Qur’on hofizi,
Ilmga tashnalik nabaviy tilak,
Farzandim, Qur’onni yodlashing kerak.
Bizda bor Afasiy, Minshaviy, Mohir,
Havas qilsa arzir, barchasi zohir,
Yurtboshim Qur’onga yo‘l ochdi axir,
Bugundan boshlay qol, shimarib bilak,
Farzandim, Qur’onni yodlashing kerak.
Erkin QUDRATOV,
Mir Arab o‘rta maxsus islom bilim yurti mudarrisi
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Orzudagi uy — qishda issiq, yozda salqin. Bunga qanday erishish mumkin?
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Jizzaxda uchta yuk mashinasi ishtirokida YTH sodir bo‘ldi
Pnevmatik qurollarni o‘z ixtiyori bilan topshirganlar javobgarlikdan ozod etiladi
“Umra” ziyoratiga borib kelish tartibi takomillashtiriladi
Shimoliy Koreya yangi ko‘rsatkichlarga ega ballistik raketani sinovdan o‘tkazdi
Eron prezidentini olib ketayotgan vertolyot halokatga uchradi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?