Jastin Biberning sobiq qallig‘i o‘zidan 36 yosh katta milliarderga turmushga chiqdi

Jastin Biber va Yegor Kridning sobiq qallig‘i, 26 yoshli moldaviyalik model Kseniya Deli o‘zining to‘yida tushgan suratlarini ijtimoiy tarmoqdagi sahifasi orqali namoyish etdi, deb yozadi Qalampir.uz nashri. U 62 yoshli misrlik milliarder Osamu Fati Rabah al-Sharifga turmushga chiqdi. Al-Sharif “Amiral” guruhining prezidenti hisoblanadi.

To‘y marosimi Gretsiyaning Santorini orolida bo‘lib o‘tdi. Ma’lumotlarga qaraganda, marosim uchun bir million yevrodan ortiq xarajat qilingan.

Xabarda yozilishicha, Kseniya misrlik millarder bilan 2015 yilda uchrashish boshlagan. Ularning to‘yiga 150 nafar mehmon tashrif buyurgan.

Kseniya bir yil oldin Jastin Biberning “What do you mean?” qo‘shig‘iga ishlangan videoklipda suratga tushgan. Ularning uchrashib yurganiga ko‘p kishi guvoh bo‘lgan.

Bundan tashqari, Rossiyalik xonanda Yegor Krid ham o‘tgan yili Kseniya Deli bilan tushgan rasmlarini Instagram ijtimoiy tarmog‘i orqali tarqatib, u bilan uchrashib yurgani haqida aytib o‘tgan.