Bollivud yulduzi Shox Ruh Xon Twitter tarmog‘i orqali AQSh aeroportining immigrasion organlari tomonidan uchinchi marta ushlanib qolinayotganligiga nisbatan o‘z noroziligini bildirdi, deb “Kun” xabar beradi.
50 yoshli hind aktyori 2012 yilda Nyu-York immigrasiya xizmati xodimlari tomonidan ushlanib qolgan, o‘shanda uning hindistonlik muxlislari AQShni irqchilikda ayblashgandi.
"Men dunyoda xavfsizlik saqlanishi kerakligini yaxshi tushunaman va buni hurmat qilaman, lekin har safar AQSh aeroportida ushlanib qolaverish juda jonga tegdi", - deb yozadi Xon o‘z tvitterida.
Xonning ushlanib qolganligi haqida hind telekanallarida xabar tarqalganidan keyin AQSh davlat kotibi yordamchisi Nisha Bisval sodir bo‘lgan voqea yuzasidan tezda uzr so‘radi.
"Aeroportdagi tanglik uchun uzr so‘raymiz, hattoki amerikalik diplomatlar ham bunday holatlarga duch kelishadi", - deb yozadi Bisval tvitterda.
Vashington Xonning ismi sharifi musulmoncha bo‘lgani uchun ushlanib qolgani to‘g‘risidagi ma’lumotni inkor qildi.
2012 yilgi voqeadan so‘ng Xon bu borada hazillashib shunday degan:
"Ha, doim shunday bo‘ladi...Har safar mag‘rurligim tutsa, Amerikaga chipta olaman. Immigrasiya xizmati xodimlari yulduzdan yulduzni "tepib chiqarishga" usta bo‘lishadi.
2009 yilda ham xuddi shunday voqea yuz bergan, o‘shanda ham hind xalqining noroziligidan so‘ng AQSh tomon uzr so‘ragan. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
