Hindiston o‘zining qiziqarli seriallari bilan tomoshabinlarni xursand qilishda davom etmoqda, ularga bo‘lgan muhabbat hech qanday mantiqqa bo‘ysunmaydi. Ular shunchaki jozibali va tomoshabinlar ham hind seriallaridan ko‘p narsa kutmaydi.
“Dahan: Raakan armiyasi” (2022 — h.z.)
- Hindiston
- Triller
- Reyting - KP -; IMDb 7,7
Shilaspura shaharchasida g‘alati voqealar sodir bo‘lmoqda, bu voqealar aholini qo‘rqitib, keluvchilarni uzoqlashtirmoqda. Bu joylarda bir afsonaga ishonishadi, unda bir sehrgar haqida gap boradi, u har qanday odamni haqiqiy maxluqqa aylantirib, undagi barcha insoniylikni o‘ldirib, vahshiy qilib qo‘yadi. Bunday odamni Raakan deb atashadi, u bir g‘orda yashaydi. Ammo hukumat bu joyga juda qiziqib qolgan, ular bu yerda shaxtalar ochib, shaharchani rivojlantirishni, odamlarning yaxshi yashashini xohlamoqda.
Shu vazifa bilan Avani o‘g‘li Anay bilan Shilaspuraga keladi. Ularni bu yerda unchalik iliq kutib olishmaydi, odamlar uning harakatlari orqali sehrgarning g‘azabi kelishidan juda xavotirda. Avani esa bularga ishonmaydi, lekin uning ham Shilaspuraga kelishi bilanoq yuzaga chiqqan sirlari bor.
Shunga qaramay, bu shaharchada qandaydir qo‘rqinchli sehr aylanayotganday tuyuladi, chunki hayvonlar o‘la boshlaydi, ular go‘yo aqlini yo‘qotgandek ko‘rinadi, shuningdek, shahar yetakchilaridan birining jasadi topiladi. Shunday qilib, Avani har kuni aholi noroziligi bilan yuzma-yuz kelib, o‘z surishtiruvini boshlaydi.
Serial davomida faqatgina triller yoki detektivni emas, balki fantastik hikoyani tomosha qilayotgandek bo‘lasiz. Bu yerda nihoyatda g‘alati hodisalar ro‘y beradi va bu odamlarning shunchaki tasavvuri emasligiga shubha qila boshlaysiz. Shunda haqiqatan ham sehr, okkultizm va qadimiy xudolar aralashgan bo‘lishi mumkin degan fikr paydo bo‘ladi. Umuman olganda, serial juda shafqatsiz va qonli sahnalar, kutilmagan lahzalarga boy.
“Yengilmaslar” (2022 - h.z.)
- Hindiston
- Jangari, drama
- Reyting - KP -; IMDb 7,1
Hindistondagi kurortda sodir bo‘lgan terakt natijasida maxsus kuchlar byurokratik to‘siqlar tufayli o‘z vaqtida yetib kelmaganidan so‘ng, “Lochinlar” nomli maxsus guruhni tashkil etish haqida qaror qabul qilinadi. Bu guruh mamlakatning qurolli kuchlaridagi eng yaxshi maxsus bo‘linma ofitserlaridan tuzilib, har qanday xavf-xatarlarga darhol javob beradi.
Butun mavsum davomida guruh a’zolari tanishtiriladi, ular qanday qilib bir jamoa bo‘lib ishlashayotgani, bir-biriga ishonishni o‘rganayotgani ko‘rsatiladi. Yakuniy qismlar esa dinamik, qiziqarli va hayajonli.
“Dehlidagi jinoyat” (2 fasl, 2019 yil - h.z)
- Hindiston
- Drama, kriminal, detektiv
- Reyting - KP 7,3; IMDb 8,5
Birinchi mavsumda yosh qiz Dipika haqida hikoya qilinadi. U do‘sti bilan birga avtobusda shafqatsiz hujumga uchraydi, ularni kaltaklashadi va qizga nisbatan shafqatsiz ommaviy zo‘ravonlik qilinadi. Keyin ularni kiyimsiz holda avtobus yurib ketayotgan paytda tashlab yuborishadi. Ular mo‘jizaviy tarzda tirik qoladi, ammo Dipikaning ahvoli juda og‘ir edi.
Politsiyachi ayol Vartika Chaturvedi bu beshafqat jinoyatchilarni topishi kerak. Voqea jamoatchilikda juda katta aks-sado uyg‘otadi, odamlar bu voqeada politsiyani ayblaydi.
Ikkinchi mavsumda yangi hikoya, lekin qahramonlar o‘sha-o‘sha. Vartika Chaturvedi endi yangi va nihoyatda shafqatsiz qotillikni tergov qilishi kerak bo‘ladi, aniqrog‘i, bu faqat bitta qotillik emas, chunki uni keksa uy egalari va ularning mehmonlari shafqatsizlarcha o‘ldirilgan uyga chaqirishadi. Politsiya buni 90 yillarda Dehlini dahshatga solgan, bu qotilliklar uslubiga juda o‘xshash jinoyatni sodir etgan mudhish jinoiy guruh deb o‘ylaydi.
Jinoyat joyida kuzatuv kameralari o‘rnatilgan bo‘lib, ular dahshatli kadrlarni qayd etgan va bu kadrlar qandaydir yo‘l bilan to‘g‘ridan to‘g‘ri OAV qo‘liga tushadi. Endi OAV politsiyaga ishlashga imkon bermay, ularni ayblab, faqatgina ularning malakasizligi haqida gapiradi. Politsiya esa har qanday izni topishga urinayotgan bir paytda, qotilliklar davom etadi.
“Rudra: Zulmat chekkasida” (2022 - h.z.)
- Hindiston
- Detektiv, triller, drama, kriminal
- Reyting - KP-; IMDb 6,7
Mumbaydagi eng xatarli jinoyatchilarni izlab yurgan politsiya komissarining o‘rinbosari Rudra o‘z ishini juda yaxshi biladi, lekin u maqsadiga erishish uchun barcha chegaralarni kesib o‘tishga tayyor. Aynan shu sababli ishida muammolar yuzaga keladi, shuningdek, xotini bilan ham munosabatlari yaxshi emas.
Ushbu serialning birinchi mavsumi Britaniyaning “Luther” seriali bilan bir xil, hech qanday yangilik yo‘q, lekin serialning o‘zi sifatli suratga olingan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Kursk viloyatidagi hududlarini qaytarib olishga 50 ming harbiy to‘pladi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
AQSH Isroilga puli to‘langan buldozerlarni bermadi
Tramp Putinga qo‘ng‘iroq qilib, Ukrainadagi urushni muhokama qildi
