“Gangnam Style” qo‘shig‘i bilan dunyo miqyosida mashhurlikka erishgan xonanda Psy hozirda tergov ostida. U noqonuniy ravishda taqiqlangan dorilarni qo‘lga kiritganlikda gumon qilinayotgani haqida Yonhap axborot agentligi xabar berdi.
Ma’lumotlarga ko‘ra, san’atkor 2022 yildan buyon uyqusizlik va xavotirni kamaytiruvchi dorilarni rasmiy tartibda emas, balki noqonuniy yo‘l bilan sotib kelgan. Qo‘shiqchi mutaxassis bilan shaxsan maslahatlashmagan, biroq muntazam ravishda Seuldagi xususiy shifoxonalardan dori olgani aytilmoqda.
Xonanda vakillari uning uyqusizlik va asabiylikdan aziyat chekishini tan olgan holda, dori-darmonlarni qabul qilganini bildirdi. Ularning so‘zlariga ko‘ra, Psy shifokor bilan kelishgan, biroq retsept yozilmagan. Ba’zi hollarda dori vositalarini uchinchi shaxslar san’atkor nomidan olib bergani ta’kidlandi.
Seul politsiyasi xonanda va uning shifokorini qo‘lga olgan. Shifokor esa o‘ziga qo‘yilgan ayblovlarni inkor etib, barcha maslahatlar onlayn tarzda o‘tkazilganini bildirdi.
“Zamin”ni Telegramʻda oʻqing!
