Mashhur qo‘shiqchi va aktrisa Selena Gomez yaqinda o‘z blogida onalik haqidagi orzusi bilan o‘rtoqlashdi. Bu mavzu "Veyverli Pleys sehrgarlari" serialining qayta suratga olinayotgan yangi qismidagi voqealar sababli yana dolzarb bo‘ldi.
Cheklangan ijtimoiy tarmoqdagi sahifasida Selena o‘zi ijro etgan qahramon — Aleks Russoning ona sifatida aks etgan kadrlarini ulashdi va yozuv ostiga:
“Umid qilamanki, bir kun kelib men ham ona bo‘laman”, — deb yozdi.
Gomez ilgari bergan intervyularidan birida sog‘lig‘i bilan bog‘liq jiddiy muammolar tufayli farzandni o‘zi dunyoga keltira olmasligini tan olgan edi. U bu haqda Vanity Fair nashriga shunday degan:
“Men buni ilgari hech kimga aytmaganman, ammo afsuski, o‘z farzandimni ko‘tara olmayman. Sog‘lig‘imdagi ayrim muammolar hayotimni va chaqaloqning hayotini xavf ostiga qo‘yishi mumkin. Bu hol meni ancha vaqt bezovta qilgan.”
Shu bilan birga, Selena baribir ona bo‘lish istagini yo‘qotmaganini ta’kidladi. Uning so‘zlariga ko‘ra, u kelajakda surrogat ona xizmatidan foydalanishi yoki farzand asrab olishi mumkin.
Ma’lumki, Selena Gomez hozirda prodyuser Benni Blanko bilan turmush qurgan. Ular 2024 yil 12 dekabrda nikohdan o‘tganini e’lon qilgan, to‘y esa 28 sentyabr kuni Kaliforniyada bo‘lib o‘tgan. Marosim soddaligi va samimiy muhiti bilan ajralib turgan bo‘lsa-da, unda ko‘plab mashhur mehmonlar ishtirok etishgan.
“Zamin”ni Telegramʻda oʻqing!
