Makoley Kalkin 1990 yillar boshida “Uyda yolg‘iz” va uning davomlari orqali jahonga mashhur bo‘lganidan so‘ng nega aktyorlik faoliyatidan uzoqlashganini ochiq izohladi. Hozir 45 yoshda bo‘lgan Kalkinning aytishicha, u shon-shuhrat emas, oddiy bolalik va tengdoshlari bilan erkin hayotni tanlagan.
Aktyor Mythical Kitchen podkastida bolalikdagi syomkalar ko‘pchilik o‘ylagandek jamoaviy jarayon bo‘lmaganini ta’kidladi. “
1994 yildagi “Boyvachcha Rich” filmi ortidan u Gollivuddan butunlay ketishga qaror qiladi. O‘sha paytda dunyodagi eng mashhur bola aktyorlardan biri bo‘lsa-da, Kalkin oddiy hayot — do‘stlar, uchrashuvlar va bolalarga xos tajribalarni muhim deb bilganini aytadi.
Kalkin mashhurlikni “tishim pastasi”ga qiyoslab, uni qaytarib bo‘lmas jarayon deb ta’riflaydi. Shu bilan birga, u hech qachon ataylab taniqli bo‘lishni istamaganini, aktyorlikka kirib kelishi tasodifiy bo‘lganini ham qayd etdi.
Avvalroq u Kevin Makkalister obraziga qaytish taklif qilinsa, yaxshi ssenariy bo‘lsa, rozi bo‘lishini aytgan. Kalkin hatto ehtimoliy davom haqida g‘oyasini ham bo‘lishgan: unda voyaga yetgan Kevin otalik muammolari bilan yuzlashadi, uy esa buzilgan munosabatlar ramziga aylanadi.
Hozirda aktyor asosiy e’tiborini oilasiga qaratgan. U aktrisa Brenda Song bilan ikki nafar o‘g‘lini tarbiyalamoqda va kameralardan yiroq, xotirjam hayot kechirishni afzal ko‘radi.
“Zamin”ni Telegramʻda oʻqing!
