«Central Partnership» kinokompaniyasi Ivan Yankovskiy va Yura Borisov bosh rollarni ijro etgan sport dramasining — «Motorlar jangi» filmining ilk tizerini taqdim etdi. Kartina tomoshabinni XX asr boshiga, 1908 yilga olib boradi: avtomobil ishqibozi Andrey Nagel va muhandis Dmitriy Bondarev dadil tajribaga qo‘l uradi. Bu haqda playground.ru xabar beradi.
Qahramonlar kuchlarni birlashtirib, «Russo-Balt» avtomobilini yaratish va shiddatli raqobat sharoitida uning imkoniyatini isbotlashni maqsad qiladi. Loyiha yopilish xavfi ostida qolganida, Nagel hammasini bir zarbada hal qiladigan qadamni tanlaydi — afsonaviy Monte-Karlo rallisida qatnashish.
«Motorlar jangi» allaqachon yilning eng kutilgan relizlari qatoridan joy olgan. Film premyerasi 8 oktyabr kuni bo‘lib o‘tadi.
“Zamin”ni Telegramʻda oʻqing!
