Kliplardagi rollari bilan tanilgan, “O‘zbek qizi” filmi orqali keng ommaga tanilgan asli qoraqalpog‘istonlik aktrisa Aysanem Yusupova 2 yanvar kuni 29 yoshga to‘lganini nishonladi.
Aysanemning aytishicha, u san’atga avval qo‘shiqchilik orqali qiziqib kirgan — bu yo‘lga onasining orzusi va qo‘llab-quvvatlashi turtki bo‘lgan. Keyinchalik u Toshkentda san’at oliygohida o‘qishga kirib, ikkinchi urinishda imtihonlardan muvaffaqiyatli o‘tib, aktrisalik yo‘lini tanlagan.
Kinoga kirib kelishida ustozi rahmatli Jo‘ra Mahmudovning tashabbusi muhim bo‘lgani ta’kidlanadi: u birinchi kursdayoq Aysanemni kastinglarda qo‘llab-quvvatlagan. Dastlabki katta takliflardan biri rejissyor Hilol Nasimov tomonidan “Hayot” filmiga bo‘lgan.
Aysanem u uchun eng katta sinovlardan biri — “O‘zbek qizi” kartinasi bo‘lgani haqida ham so‘zlab berdi. U bu film jismonan ham, ruhan ham og‘ir kechganini, tayyorgarlik, dubllar va jarohatlar bo‘lganini yashirmaydi. Shu bilan birga, aynan shu loyiha uning ijodida alohida bosqich sifatida qayd etiladi.
Aysаnem aktrisalikdan asosiy maqsadi — yaxshi rollar orqali xalqqa manfaatli, esda qoladigan ishlar qoldirish ekanini aytadi.
“Zamin”ni Telegramʻda oʻqing!
