Dunyoning eng boy va nufuzli oilalaridan biri bo'lgan Rokfellerlar sulolasi haqida eshitmagan odam kam. Bu oilaning vakillari o'zlarining ulkan boyligi hamda siyosiy ta'siri bilan tarixga kirgan. Bugungi kunda ushbu sulolaning eng ko'zga ko'ringan va go'zal vakillaridan biri Ariana Rokfeller hisoblanadi. U 1982 yil 26 may kuni Kembrij shahrida dunyoga kelgan.
Ariana Rokfeller mashhur neft magnati Jon Rokfellerning evarasi hamda XX asrning eng nufuzli bankirlaridan biri, "Chase Bank" rahbari Devid Rokfellerning nabirasi sanaladi. Uning oilasi 10 milliard dollardan ortiq boylikka egalik qilishi taxmin qilinadi. Shunga qaramay, Ariana o'zini faqatgina merosxo'r sifatida emas, balki mustaqil shaxs sifatida ham namoyon etishga harakat qiladi.
Ko'pchilikni uning qanday hayot kechirishi va boylikka munosabati qiziqtiradi. Ariana o'zining ijtimoiy faolligi, moda olamiga bo'lgan qiziqishi hamda xayriya ishlari bilan ham tanilgan. U hashamatli hayot kechirsa-da, ajdodlaridan qolgan mas'uliyatni ham chuqur his qiladi. Uning hayoti boylik va shaxsiy ambitsiyalar o'rtasidagi muvozanatni saqlashga urinayotgan zamonaviy yosh avlod vakili uchun yorqin misoldir.
“Zamin”ni Telegramʻda oʻqing!
