Qozog‘istonlik mashhur shaxmat malikasi, uch karra dunyo taxtiga chiqqan chempion Bibisora Assubayeva Instagram ijtimoiy tarmog‘idagi kuzatuvchilari bilan dildan suhbat qurdi. Muloqot davomida u O‘zbekistonga bo‘lgan iliq mehri va shaxsiy hayotiga doir qiziqarli savollarga ochiq-oydin javob qaytardi.
"Toshkent taomlarining ta’mi betakror"
O‘zbekistonlik ishqibozlardan biri sportchiga: “Toshkentda hech mehmon bo‘lganmisiz? Yurtimizda muxlislaringiz nihoyatda ko‘p, ayniqsa, so‘nggi ikki haftada ularning soni keskin ortdi”, deya murojaat qildi. Bibisora ushbu savolga javob berar ekan, poytaxtimiz u uchun qadrdon maskan ekanini tan oldi:
O‘zbekistondagi muxlislar bilan uchrashuv yaqinmi?
Assubayeva O‘zbekistondagi ishqibozlari soni haqiqatdan ham ortib borayotganini tasdiqladi. Sportchining so‘zlariga ko‘ra, hozirda ko‘plab havaskorlar undan Toshkentda qizlar uchun alohida uchrashuv (fan-meeting) o‘tkazishni iltimos qilishmoqda. Bibisora bu qiziqarli takliflarni jiddiy o‘ylab ko‘rayotganini va yaqin orada muxlislar bilan yuzma-yuz diydor ko‘rishishi mumkinligini ishora qildi.
Sirli do‘stlik va muxlislar e’tibori
Bu savollarning paydo bo‘lishi bejiz emas. So‘nggi haftalarda ijtimoiy tarmoq kengliklarida Bibisora Assubayeva va o‘zbekistonlik iqtidorli yosh grossmeyster Javohir Sindorov o‘rtasidagi samimiy va do‘stona muloqotlar mahalliy shaxmatsevarlarning diqqat markazida bo‘lib, qizg‘in muhokamalarga sabab bo‘lmoqda.
“Zamin”ni Telegramʻda oʻqing!
