O’zbek kinosining kajoli va sirli yulduzi Lola Eltoyeva haqida nimalarni bilasiz?
O‘zbekiston Respublikasida xizmat ko‘rsatgan artist Lola Eltoyeva kino, teatr va dublyaj sohasida samarali mehnat qilib, yuzlab unutilmas obrazlar yaratgan mahoratli san’atkordir. Faoliyati davomida "Do‘stlik" ordeni va bir qator davlat mukofotlari bilan taqdirlangan aktrisa bugungi kunda O‘zbek milliy akademik drama teatrida faoliyat yuritmoqda. O‘zining sirli va kamtarin xarakteri bilan ajralib turadigan ijodkor shaxsiy hayotini ommadan sir tutishni hamda tomoshabin bilan faqat rollari orqali muloqot qilishni afzal ko‘radi.
Oʻzbekistonlik kino, teatr va dublyaj aktrisasi Lola Eltoyeva 1972 yil 4 sentabr kuni Toshkent shahrida tug‘ilgan. Oilada to‘ng‘ich farzand bo‘lgan. Sanʼatdan butunlay yiroq bo‘lgan oilada tavallud topgan.
Mustaqillik yillarida suratga olingan „Quyoshi botmaydigan yurt“ filmidagi Malika roli orqali muxlislar e‘tirofiga sazovor bo‘lgan.
Faoliyati davomida 60 dan ortiq spektakllarda, 45 ga yaqin filmlarda rol ijro etgan. 200 ga yaqin filmlarga va bir necha teleseriallarga ovoz bergan. Hozirgi kunda Oʻzbek milliy akademik drama teatrida faoliyat olib bormoqda.
Lola Eltoyeva “O‘zbekiston Respublikasida xizmat ko‘rsatgan artist” unvoni (2006), “Madaniyat va san’at fidokori” ko‘krak nishoni (2020), “Do‘stlik” ordeni (2021) va “O‘zbekiston Respublikasining 30 yilligi” esdalik nishoni (2021) bilan taqdirlangan.
Aktrisa shaxsiy hayoti bilan bog‘liq maʼlumotlarni oshkor etishni istamaydi, uning intervyularini ham topish juda qiyin. “Bu sirli ko‘rinishga intilish emas, shunchaki aktyor dilidagilarni roli orqali tomoshabinga ko‘rsatadi”, deydi aktrisa.
Izohlar 0
…