12:51 / 13.09.2015
6 225

Venesuelaliklarning «Olislardan» nomli kartinasi Venesiya kinofestivalining 72-mavsumida bosh mukofotni qo‘lga kiritdi

Venesuelaliklarning «Olislardan» nomli kartinasi Venesiya kinofestivalining 72-mavsumida bosh mukofotni qo‘lga kiritdi
Venesuelalik kinoijodkorlar tomonidan ishlangan "Olislardan" (Desde alla) nomli kartina Venesiya kinofestivalining 72-mavsumida bosh mukofot "Oltin sher" haykaliga sazovor deb topildi. Film rejissyori Lorenso Vigas mukofotni qabul qilib oldi.

Festival 2 sentyabr kuni ochilgandi va yopilish marosimi 12 sentyabr kuni Lido orolidagi Kino saroyida bo‘lib o‘tdi. Hakamlar hay’atiga meksikalik kinoshunos va rejissyor Alfonso Kuaron rahbarlik qildi.

Festivalda "Kumush sher" mukofoti eng yaxshi rejissyorlik ishi uchun argentinalik rejissyor Pablo Trapero tomonidan ishlangan, kriminal drama yo‘nalishidagi "Klan" (El Clan) filmiga topshirildi.

Eng yaxshi ssenariy uchun mukofotga esa fransiyalik rejissyor Kristian Vensan "Oq suvsar" (L'hermine) filmi bilan ega chiqdi.

Shuningdek, eng yaxshi akrtisa sifatida italiyalik Valeriya Golino "Sening sevging uchun" (Per amor vostro) filmidagi roli orqali sovrindor bo‘ldi.

Fransiyalik Fabris Lukini esa "Oq suvsar" roli uchun "Eng yaxshi erkak aktyor" nominasiyasi bo‘yicha taqdirlandi.

Hakamlar Charli Kaufman va Dyuk Jonsonni "Anomaliza" kartinasi uchun "Eng yaxshi animasion film" yo‘nalishida mukofotlashdi.

Turkiyalik rejissyor Emin Elper "Aqlsizlik" filmi uchun hakamlarning maxsus mukofotiga loyiq ko‘rildi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » Venesuelaliklarning «Olislardan» nomli kartinasi Venesiya kinofestivalining 72-mavsumida bosh mukofotni qo‘lga kiritdi