Videoda O‘zanning bo‘g‘ib o‘ldirilishini ko‘rgan Nihon kichkina qor parchasidan po‘rtanaga aylanadi. Hech kim uning g‘azabiga qarshi turolmaydi.
Kamol va Nihon o‘rtasida nizo tug‘dirish uchun Zaynabdan foydalangan Amir Zaynabni kulfatda qoldirmaydi. U Zaynabni qochirish operatsiyasini ham boshlab qo‘ygan.
Kamol ko‘rgan suratlaridan keyin ham singlisining begunohligiga ishonadi, hatto buni isbotlashning yo‘lini topadi.
Kamol va Nihon o‘rtasida Amir rejalashtirgan uchrashuv bo‘lib o‘tadi. Biroq Amir va Asuning rejasiga qarshi o‘laroq, barcha to‘siqlarga qaramay, Nihon bilan Kamolning muhabbati tugamaydi.
Nihon O‘zanning qotilligi bo‘yicha aybdorni topgani bois, qotilni izlash ishini davom ettiradi. Toriq Zaynab fosh bo‘lgandan so‘ng o‘zi ham fosh bo‘lishidan qo‘rqib, azobda qoladi. Toriq qurbon bo‘lishini bilmaydi va o‘zi anglamagan holda Asuning tuzog‘iga tushadi.
Amir o‘zidan homilador bo‘lgan Zaynabni o‘g‘irlab ketish niyatida. Chunki hech bir Ko‘zjuo‘g‘li qamoqda qolishi kerak emas, hatto hali tug‘ilmagan bo‘lsa ham. Biroq Asu Amirning bu fikrini yoqlamaydi.
Asu Nihonga Zaynabni topishning barcha yo‘llariga ishora qilgach, Kamolga ro‘para keladi. Uni hayotidagi eng og‘ir daqiqalar kutmoqda.
Nihon Zaynabni yashiringan joyida topgach, unutilmas yuzma-yuz uchrashuv bo‘ladi. Biroq Nihon o‘zi uchun kutilmagan nafrat va shafqatdan birini tanlashga majbur bo‘ladi.
O‘yinda yangi ism oshkor bo‘lgach, Zaynab uchun o‘yin tamom bo‘ladi. Kutilmagan bu ism hammaning taqdirini o‘zgartirib yuborishi mumkin.
Zaynabga kim o‘q uzdi?
Zaynabning yaralanishi Nihon va Kamol uchun yangi sinov bo‘ladi. Oilaviy munosabatlar muhabbatdan ustun bo‘lishi mumkinmi? Kamol Zaynabning hayotini asrab qolishga urinarkan, Nihon, qanchalik og‘ir bo‘lmasin, aybi uchun javob berishga qaror qiladi.
Toriq Zaynabga o‘q uzgan odamni izlaydi. Buning uchun hatto Kamolni siquvga oladi.
Amir Nihonning haqiqatni aytishiga xalal berish uchun qo‘lidan kelganini qiladi. Biroq o‘q kamondan otilib bo‘lgan, hatto Amir ham bu yerda biron nima qilishga ojiz.
Nihon esa hayotidagi eng muhim qarorni qabul qilish arafasida. Bir tomondan — vijdoni, ikkinchi tomondan — onasi. Bu qaror Nihon va Kamolning sevgisi uchun eng katta sinov.
Nihon ham Zaynabga, ham Kamolga tegishli qarorni ma’lum qilgach, ularning sevgisi yangi bosqichga ko‘tariladi. Va bu baxtsiz muhabbat, barcha ko‘ngilsizliklarga qaramay, nurli kelajak tomon yo‘l oladi. Nihon hech qachon Kamol bilan yorug‘ kelajak qurishdan voz kechmaydi.
Nihonning falokatga uchrashi qarshi zarba bo‘lganini anglagan Amir xotinining hayotiga qasd qilgan odamni topish harakatiga tushadi. Kamol esa Zaynabni oqlash uchun O‘zanning o‘ldirilishi bilan bog‘liq eng muhim dalillarni jamlaydi.
Amir va Kamol turli haqiqatlarga intilarkan, Nihon doimgidek Kamolga ergashadi. Asu yaqinlashib kelayotgan xavfni sezadi. Hammasini o‘z foydasiga hal qilish uchun uning vaqti kam.
Kamol va Nihon barcha sinovlarni aylanib o‘tib, og‘ir yo‘ldagi har bir savolga javob topishga qat’iy ahd qilgan.
Asu Amirning qo‘liga tushdi
Nihon va Kamol o‘rtasida haqiqatni yashirib turgan devor Toriq uchun bir imkon bo‘ladi. Biroq Kamol yuz bergan voqea qarshisida taslim bo‘lmoqchi emas. U O‘zanning o‘ldirilishi bilan bog‘liq bor haqiqat yuzaga chiqmaguncha qotilga olib boradigan yo‘lning oxirigacha yurib boradi.
Nihon bilan yuz bergan falokat izlari Asuga olib boradi. Bu vaziyat Amir va Asuni bir-biriga qarshi qo‘yadi.
Kamol va Amirning urushi yanada kuchayadi.
Kamol Gurjanga yetish uchun reja tayyorlaydi. Bu yo‘lda u Asu bilan yuzma-yuz qoladi. Kamolning rejasini kuzatayotgan Nihon uchun daqiqalar soatday o‘tadi va rejaga aralashishga qaror qiladi.
To‘fon bilan birga Amirning qo‘liga tushadigan Asuga mo‘’jiza kerak. Asu uchun Nihonning falokati bilan bog‘liq ma’lumotlar mo‘’jizaga aylanadi.
Gurjanga yaqinlashib, “O‘zanning o‘limi” deb atalgan eshikni yopishga urinayotgan Kamol yana Amirga duch keladi. Biroq haqiqat yuzaga chiqishi uchun bu yetarli emas.
Asu uchun hamma o‘yinlar tugab, hamma eshiklar yopiladi. Bundan keyinggi yo‘l esa yo o‘lim, yo qamoq…
Manba: Tasvir.uz
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
O‘zbekiston sobiq bosh prokurorining qidiruvdagi o‘g‘li Dubayda 7,9 mln dollarlik ko‘chmas mulkka egalik qiladi
Messining salkam 1 million dollarga sotilgan salfetkasi haqida
Pnevmatik qurollarni o‘z ixtiyori bilan topshirganlar javobgarlikdan ozod etiladi
Shimoliy Koreya yangi ko‘rsatkichlarga ega ballistik raketani sinovdan o‘tkazdi
D vitamini dozasini oshirib yuborishning xavfli oqibatlari
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Ukraina prezidenti mahbuslarni safarbar qilish to‘g‘risidagi qonunni imzoladi
