17:40 / 02.01.2015
6 279

Moskva shahridagi muzeylarga kirish 10 kun davomida bepul qilib qo‘yildi

Moskva shahridagi muzeylarga kirish 10 kun davomida bepul qilib qo‘yildi
Moskvaliklar va shahar mehmonlari uchun 2 yanvardan 11 yanvargacha bo‘lgan kunlar davomida shahardagi 80dan ortiq muzeylar bo‘ylab tekinga sayohat qilishlari mumkin. Bu haqida Moskva madaniyat departamenyi saytiga asoslanib, “TASS” xabar bermoqda, deb yozadi “Kun.uz”.

Bu moskvaliklar uchun munosib “Yangi yil sovg‘asi” bo‘ladi deyiladi xabarda.

Kirish bepul qilib qo‘yilgan muzeylar ro‘yxatida “Sarisino muzeyi”, “Darvin muzeyi”, “Kosmonavtlar muzeyi”, “Qirg‘oqdagi uy” muzeyi kabi yirik muzeylarni ko‘rish mumkin. Bu ro‘yxatning to‘liq ko‘rinishi saytda berilgan.

Shuningdek, bu kunlar davomida shahar xiyobonlarida ko‘chma ko‘cha muzeylar hamda ko‘rgazmalar tashkil etiladi. Xususan, Izmaylovo va Kolomenskoe qo‘rg‘onchalarida maxsus “Yangi Yil ko‘rgazmasi” uyushtirilsa, Tver xiyobonida “Qishki fotosessiya” nomi ostida ko‘rgazma namoyishi bo‘lib o‘tadi. “Ishchilar va kolxozchilar” markazida esa Olga Nikishinaning 100dan ortiq ijodiy ishlarini qamragan ko‘rgazma tashkil etiladi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » Moskva shahridagi muzeylarga kirish 10 kun davomida bepul qilib qo‘yildi
[/banner_pushhouse