Rossiyalik san’atshunos, zamonaviy va qadimiy rus san’ati va arxitekturasi mutaxassisi, Andrey Rublev muzeyi direktori Mixail Mindlin yo‘qolgan madaniy boyliklarni qaytarish mexanizmlari haqida gapirdi.
O‘zbekiston 10 yil oldin mamlakatdan olib chiqib ketilgan Aleksandr Volkovning asarini (Kukuruza shumit) restitutsiya jarayonini boshlashga tayyor. 2016 yil Farg‘ona viloyati tarix va madaniyat davlat muzeyida saqlanayotgan asarlarning tanlanma inventarizatsiyasi o‘tkazildi. Tekshiruv davomida ishchi guruh a’zolarida O‘zbekiston rassomi Aleksandr Volkovning mashhur asari shubha uyg‘otdi.
Ushbu holat yuzasidan respublikadagi vakolatli organlar tomonidan jinoiy ish qo‘zg‘atildi, tergov harakatlari hozirgacha davom etmoqda.
Madaniyat vazirligi xalqaro institutlarni jalb qilgan holda asarning restitutsiyasi jarayonini amalga oshirish borasida ish olib bormoqda. Tegishli muassasalarga xat yuborilgan.
Rossiyalik san’atshunosning fikriga ko‘ra, dunyoda madaniy boyliklarni qaytarish jarayoni murakkab bo‘lsa-da, ma’lum mexanizmlar ishlab chiqilgan. Asosiysi - asarni soxtalashtirish va o‘g‘irlash faktini rasmiy tasdiqlash zarur.
“Madaniy boyliklar egasiga qaytarilishi kerak, buning uchun asosiysi ular noqonuniy ravishda olib chiqilganligini isbotlash zarur. Volkovning asari holatida san’atshunoslik ekspertiza natijalari, shuningdek, asarning asl nusxasining olib chiqilishini tasdiqlovchi hujjatlar talab qilinadi. Turli mamlakatlarda madaniy boyliklarning o‘ziga xos mezonlari mavjud, ularning asosida olib chiqiladi. Ba’zi eksponatlar uchun, masalan 50 dan 100 yilgacha bo‘lganlar uchun Rossiyada maxsus ruxsatnoma talab qilinadi, agar asar 100 yildan katta bo‘lsa, uni olib chiqish mutlaqo taqiqlanadi”, - deb tushuntirdi Mindlin.
Mutaxassis agar asar yo‘qolgani haqida rasmiy ravishda ma’lum qilinsa, asar haqida ma’lumot xalqaro huquq tartibot organlariga beriladi deb ta’kidladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Migrantlarni Rossiyadan chiqarib yuborishning yangi tartibi taklif etildi
“Bayer” yangi asrning yangi rekordini o‘rnatdi
Murzoyev: "Qaysidir ma’noda baribir Indoneziya qulayroq raqib, biz musobaqa favoritimiz"
Istanbulda kuchli zilzila yuz berishi aytildi
Toshkentda fuqarolarga hujjatsiz uylarni sotganlar qidirilmoqda
17 yoshli hindistonlik Dommaraju jahon shaxmat toji uchun kurashadi
Abduqodir Husanov va Hojimat Erkinov klubi ixtiyoriga qaytdi
