Toshkentning Chilonzor tumanida noma’lum rassom qalamiga mansub «Shum bola» filmi bosh qahramoni graffitisi paydo bo‘ldi. Bu haqda Madaniyat vaziri Ozodbek Nazarbekov ijtimoiy tarmoqlardagi sahifasi orqali ma’lum qilgan.
Abdurayim Abduvahobovni o‘zbek xalqi o‘z o‘g‘li, o‘z aktyoridek qabul qildi, — deydi Ozodbek Nazarbekov.
Uning ijro etgan rollari ko‘nglimizga yaqin bo‘lgani uchun har biriga alohida mehr qo‘ydik, har safar tomosha qilganimizda qahramonlari bilan birga yashadik: kulsa, kuldik, yig‘lasa, yig‘ladik...
Barchamizga ayon, inson eng qimmatli narsasini yo‘qotgandagina, uning qadri qanchalar baland bo‘lganini tushunib yetadi. Tan olamizmi-yo‘qmi, lekin – bu haqiqat. Shu kunlarda nafaqat biz san’at ahli, balki butun xalq hammamiz uchun qadrli bo‘lgan chin insonni, asl o‘zbek aktyorini yo‘qotganimizni angladik.
Televideniye, radio, matbuot, saytlar, ijtimoiy tarmoqlar hamon uni xotirlashdan to‘xtamayapti. Chunki u bunga munosib ko‘rildi. Toshkentning Chilonzor tumani Gagarin ko‘chasida noma’lum rassom qalamiga mansub «Shum bola» filmi bosh qahramoni graffitisining paydo bo‘lishi ham bunga bir misoldir. Ushbu ko‘cha asari taniqli aktyor Abdurayim Abduvahobov xotirasiga bag‘ishlangan.
Ozodbek Nazarbekovning so‘zlariga ko‘ra, noyob iqtidor egasi betakror rollari bilan o‘zini abadiyatga muhrlay oldi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
U23 Osiyo Kubogi yarim final bahsi. Yaponiya ikkinchi finalchiga aylandi!
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Rossiyaning yettita viloyatiga dronlar hujum qildi
Amerikalik xonanda Billi Aylish noodatiy fobiyasi haqida so‘zlab berdi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Saylovoldi kurashida Tramp Baydenni ortda qoldirmoqda
Toshkent viloyatida ikki yigit taksi haydovchisining joniga qasd qilmoqchi bo‘ldi