O‘zbekistonda xizmat ko‘rsatgan artist Anvar Kenjayev vafot etdi

^{Foto: Madaniyat vazirligi matbuot xizmati}
O‘zbekistonda xizmat ko‘rsatgan artist Anvar Kenjayev 18 iyul kuni olamdan o‘tdi. Bu haqda Madaniyat vazirligining Telegram kanalida ma’lum qilindi.

Ma’lumot uchun, Anvar Kenjayev faoliyati davomida «Endi dadam bo‘ydoq», «Sardor», «Uchar otlar», «Ta’zidagi to‘y», «Ada emas, dada», «Oydinoy», «Suv yoqalab», «Yo‘qolgan odam» kabi filmlarda esda qolarli rollar ijro etgan.

«O‘zbekiston Madaniyat vazirligi marhumning oila a’zolariga chuqur ta’ziya izhor qiladi», — deyiladi xabarda. “Zamin”ni Telegramʻda oʻqing!