«Xalqlar doʻstligi»da oʻtkazilishi rejalashtirilayotgan kontsertlarga kirish qanchaga tushadi?

«Xalqlar doʻstligi» san'at saroyida may va iyun oyida oʻtkazilishi rejalashtirilgan kontsertlar va ularning chipta narxlari bilan tanishing.

«Benom» guruhi

^{Foto: Instagram}
«Benom» guruhining «Yana bu biz» deb nomlangan kontsert dasturi 3-, 4-, 5 may kunlari «Xalqlar doʻstligi» san'at saroyida boʻlib oʻtadi. Chiptalarni 30 ming soʻmdan 300 minggacha boʻlgan narxda xarid qilishingiz mumkin. Bu kontsertga chipta topish muammo emas.

Rustam Gʻoyipov

^{Foto: Instagram}
Lirik qoʻshiqlarning mohir ijrochisi Rustam Gʻoyipovning kontserti esa 6—7 may kuni boʻlib oʻtadi. Chiptalarni 40 ming soʻmdan 350 ming soʻmgacha boʻlgan narxda xarid qilishingiz mumkin. Bu xonandaning kontsertiga chipta topish qiyin emas.

Vohidjon Isoqov

^{Foto: Instagram}
14—15 iyun kunlari xonanda Vohidjon Isoqovning kontsert dasturi boʻlib oʻtadi. Kontsert chiptalari 25 ming soʻmdan 300 ming soʻmgacha boʻlgan narxda sotilmoqda. Chiptalarni xarid qilish imkoniyati juda yuqori, hatto old qator chiptalari ham hali sotilmagan.

Ozoda Nursaidova

^{Foto: Instagram/ @ozodaofficial}
9—16 may kunlari Ozoda Nursaidovaning kontsertiga start beriladi. Uning kontsertiga kirish narxlari 25 ming soʻmdan, 300 ming soʻmgacha qilib belgilangan. Faqat markazdagi barcha oʻrin biletlari sotilgan, faqatgina chekkadagi oʻrindiqni 200 ming soʻmdan band etishingiz mumkin. Xonanda kontsertiga talab yuqori boʻlgani uchun «qora bozor»dagi savdolar ham avjida. Kassadan topilmagan markaz chiptalarini u erdan 400-500 ming soʻmdan topish mumkin.

«Million» jamoasi

^{Foto: Instagram}
«Million» jamoasining bu yilgi kontserti ham ancha talabgir. Boshqa kassalarda odamlar u qadar tirband emas, ammo «Million»ning chiptalari sotiladigan kassa odamlar bilan gavjum. 17—24 may kunlari oʻtishi rejalashtirilayotgan kontsert chiptalari 40 ming soʻmdan 450 ming soʻmgacha etib belgilangan.

Hamdam Sobirov

^{Foto: Instagram}
25—26 may kunlari Hamdam Sobirovning «Maktabimda» deb nomlangan kontsert dasturi boʻlib oʻtadi. Xonanda bitiruvchilar kunini band etgan boʻlsa-da, hozircha kontsertga bilet topish muammo emas. Chipta sotuvchi ayolning gapiga koʻra, 30 mingdan 300 minggacha boʻlgan narxda chiptalarni sotib olish mumkin.

Yulduz Usmonova

^{Foto: Instagram}
Yulduz Usmonova eski qoʻshiqlarini sogʻingan muxlislari uchun 27—31 may kunlari kontsert berishi haqida ma'lum qilgandik. Xonanda yaqindagina kontsert berganiga qaramay, doimgidek uning chiptalari talabgir. Yoki ma'murlar ishini qoyilmaqom bajarishadi. Chunki 5 kunlik kontsertning faqat old chiptalari sotuvga chiqarilgan. Chipta sotuvchi ayol bizga orqa qator va balkon chiptalari sotib boʻlinganligini ma'lum qildi. 3–14-qatorgacha boʻlgan chiptalarni esa 200 ming soʻmdan 450 ming soʻmgacha boʻlgan narxda xarid qilish mumkin.

Dilmurod Sultonov

^{Foto: Instagram}
Xorazmlik yosh xonanda Dilmurod Sultonov 2-, 3-, 4 iyun kunlari yakkaxon kontsert dasturi taqdim etadi. Kontsert chiptalari 30 ming soʻmdan 300 ming soʻmgacha etib belgilangan. Hamyoningiz koʻtargancha chiptalarni xarid qilaverasiz, chunki ularni topish muammo emas.

Jaloliddin Ahmadaliev

^{Foto: «Daryo»}
7—8 iyun yosh xonanda Jaloliddin Ahmadaliev «Xalqlar doʻstligi» san'at saroyidagi ilk yakkaxon kontsert dasturini oʻtkazadi. Kontsert chiptalari 80 ming soʻmdan 400 ming soʻmgacha boʻlgan narxda sotuvga chiqarilgan. Ammo chiptalar bor-yoʻgʻi bir oy avval sotuvga chiqarilgan boʻlsa-da, ularning ancha-munchasi sotib boʻlingan.

Ruslan Sharipov xotirasiga bagʻishlangan kontsert

^{Foto: Instagram}
9 iyun kuni marhum ijodkor Ruslan Sharipov xotirasiga bagʻishlab, kontsert dasturi tashkillashtiriladi. Kontsert bannerlariga koʻra, unda Farruh Zokirov, Munisa Rizaeva, Rashid Xoliqov, Tohir Sodiqov kabi mega yulduzlar ishtirok etadi. Chiptalarni 60 ming soʻmdan 350 ming soʻmgacha narxda sotib olishingiz mumkin.

Jasur Umirov

^{Foto: Instagram}
Xonanda Jasur Umirovning uzoq kutilgan kontsert dasturi 16—17 iyun kunlari boʻlib oʻtadi. Kontsert chiptalarini 30 ming soʻmdan 300 ming soʻmgacha boʻlgan narxda xarid qilishingiz mumkin. Hozircha chiptalarni topish umuman muammo emas.

Ogʻabek Sobirov

^{Foto: «Daryo»}
Oʻzbekistonda xizmat koʻrsatgan artist Ogʻabek Sobirovning «Etkazganiga shukr» nomli kontserti 20—21 iyun kunlari boʻlib oʻtadi. Kontsert chiptalari 40 ming soʻmdan 300 ming soʻmgacha boʻlgan narxda sotuvga chiqarilgan. “Zamin” yangiliklarini “Telegram”da kuzatib boring