11-sinf bitiruvchilari soni rekord darajaga yetdi

Milliy statistika qo‘mitasi e’lon qilgan dastlabki ma’lumotlarga ko‘ra, 2024/2025 o‘quv yilida barcha mulkchilik shaklidagi umumiy o‘rta ta’lim muassasalarini 11-sinfini tamomlashi kutilayotgan o‘quvchilar soni 455,2 ming nafarga yetgan. Ushbu ko‘rsatkichda 243,1 ming nafarini qizlar tashkil etadi.

Jami 11-sinf bitiruvchilari soni 2023/2024 o‘quv yili bilan taqqoslaganda 49,2 ming nafarga yoki 12,1 foizga oshgani qayd etildi.

Hududlar kesimida eng ko‘p bitiruvchi quyidagi joylarda qayd etildi:
1. Samarqand viloyati – 51 875 nafar
2. Farg‘ona viloyati – 47 068 nafar
3. Qashqadaryo viloyati – 44 670 nafar
4. Toshkent shahri – 41 132 nafar

Shu bilan birga, bitiruvchilar soni nisbatan kamroq bo‘lgan hududlar quyidagilar:
1. Sirdaryo viloyati – 11 105 nafar
2. Navoiy viloyati – 13 427 nafar
3. Jizzax viloyati – 18 367 nafar

Qo‘shimcha ma’lumotlarga ko‘ra, bu ko‘rsatkich yildan-yilga ortib bormoqda. Shu sababli, 2025 yilda O‘zbekistonda umumiy o‘rta ta’lim muassasalarini tamomlayotgan o‘quvchilar soni tarixiy ko‘rsatkichga yetgani aytildi. “Zamin”ni Telegramʻda oʻqing!