O‘zbekiston Fanlar akademiyasi Materialshunoslik instituti olimlari qishloq xo‘jaligi uchun haqiqiy inqilobni amalga oshirdi! Ular hech qanday yoqilg‘i ishlatmasdan, chiqindi gazlarsiz isitish va yozda sovitish imkonini beradigan "aqlli" nanoplyonka texnologiyasini ishlab chiqdi. Sinovlar natijasiga ko‘ra, yangi plyonka qo‘llangan issiqxonalarda energiya sarfi 80 foizgacha, hosildorlik esa 50 foizgacha oshadi!
Nanozarrachalar siri: Quyosh nuri — issiqlik manbai
Bu texnologiya plyonka yuzasiga maxsus nanokompozit zarrachalarni singdirishga asoslangan. Ushbu zarrachalar quyoshning ultrabinafsha qismini yutib, uni yumshoq infraqizil nurga aylantiradi. Aynan shu nur tuproq va havoni samarali isitadi, bu esa issiqxona ichidagi haroratni avtomatik tartibga solish imkonini beradi.
Tajribalarga ko‘ra, tashqaridagi sovuq –3…–7 °C bo‘lganda ham ichkarida +5…+7 °C gacha barqaror harorat saqlangan. Bu degani, qishda qo‘shimcha isitish uskunalari kerak bo‘lmaydi! Yozda esa aksincha, plyonka haroratni 6–9 °C gacha pasaytirib, o‘simliklarni qizib ketishdan himoya qiladi.
Samaradorlik va ekologiya
Kuchaytirilgan infraqizil nur tufayli o‘simliklarning o‘sishi 1,5–2 baravar tezlashadi. Shuningdek, maxsus gidrogellar qo‘llanganida sug‘orish suvi sarfi 90 foizgacha kamayadi. Yana bir muhim jihat: plyonkaning mustahkamligi 3 baravar oshaadi, bu esa plastik chiqindilar miqdorini keskin kamaytiradi. Olimlar bu ishlanmani "yashil issiqlik" konsepsiyasining amaliy ifodasi deb atamoqda: energiya an’anaviy yoqilg‘idan emas, balki bevosita quyosh nuridan olinadi. Bu texnologiya O‘zbekiston qishloq xo‘jaligi mahsulotlarini ekologik toza sharoitda yetishtirish imkoniyatlarini kengaytiradi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
