Milliy statistika qo‘mitasi taqdim etgan ma’lumotlarga ko‘ra, 2025 yilning yanvar-oktabr oylarida O‘zbekistonda Pochta va kurerlik sohasidagi xizmatlar hajmi 5,5 trln so‘mga yetdi. Bu ko‘rsatkich avvalgi yilning shu davriga nisbatan 10,1 foizga o‘sdi. Bu raqamlar mamlakatda elektron tijoratning jadal rivojlanayotganini va logistika xizmatlariga bo‘lgan talab ortayotganini ko‘rsatadi.
Toshkent va Samarqand — yetakchilar
Xizmatlar hajmida eng katta ulush poytaxt Toshkent shahriga tegishli bo‘lib, u 2,9 trln so‘mni tashkil etdi. Bu, demak, umumiy bozorning yarmi dan ko‘pi poytaxt hissasiga to‘g‘ri kelmoqda. Hududlar bo‘yicha taqsimot bo‘yicha Samarqand viloyati (602,4 mlrd so‘m) poytaxtdan keyingi o‘rinda. Keyingi o‘rinlarni Toshkent (433,5 mlrd so‘m), Farg‘ona (420,4 mlrd so‘m) va Qashqadaryo (300,5 mlrd so‘m) viloyatlari egalladi. Andijon viloyatining ko‘rsatkichi ham salmoqli — 291,7 mlrd so‘m.
Qolgan hududlardagi holat:
Qoraqalpog‘iston Respublikasi — 64,9 mlrd so‘m
Buxoro viloyati — 66,3 mlrd so‘m
Jizzax viloyati — 42,7 mlrd so‘m
Navoiy viloyati — 34,6 mlrd so‘m
Namangan viloyati — 161,1 mlrd so‘m
Surxondaryo viloyati — 62,1 mlrd so‘m
Sirdaryo viloyati — 41,3 mlrd so‘m
Xorazm viloyati — 80,5 mlrd so‘m
Umuman olganda, pochta va kurerlik sohasi barqaror o‘sishni namoyon etmoqda. Bu, ayniqsa, yirik shaharlardagi savdo-iqtisodiy faollikning kuchayishi bilan izohlanadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
