Qishning ilk haftasida mamlakat bo‘ylab havo o‘ziga xos bo‘ladi, ba’zi joylarda biroz o‘zgaruvchan bo‘ladi. “O‘zgidromet” ma’lumotlariga ko‘ra, shamol yo‘nalishidagi o‘zgarishlar va harorat past-balandliklari kuzatilishi mumkin, lekin keskin ob-havo xodisalari kutilmayapti.
Qoraqalpog‘iston va Xorazmda osmon asosan ochiq bo‘ladi, yog‘ingarchilik kutilmaydi. Sharqiy shamol g‘arbga burilib, 7–12 m/s tezlikda esadi. Harorat 1-dekabrda kechasi 0–5 daraja sovuq, kunduzi 7–12 daraja iliq atrofida bo‘lsa, keyingi kunlarda ham kunduzgi issiqlik 5–12 daraja oralig‘ida saqlanadi. 4-dekabrga kelib, kechqurun havo yana 0–5 darajagacha sovishi mumkin.
Buxoro va Navoiyda ham havo o‘zgaruvchan bo‘ladi. Yog‘ingarchilik kutilmayapti. Shamol g‘arbdan 7–12 m/s tezlikda esadi. Kechasi 2 daraja sovuqdan 3 daraja iliqqacha, kunduzi 10–15 daraja iliq bo‘ladi. 4-dekabrda kunduzgi harorat bir oz pasayib, 8–13 daraja atrofida bo‘ladi.
Toshkent, Samarqand, Sirdaryo va Jizzaxda dekabrning boshi to‘liq yaxshi ob-havo bilan o‘tadi. 1–3-dekabrda yog‘ingarchilik kuzatilmaydi, 4-dekabrda ayrim joylarda yomg‘ir ehtimoli bor. Tuman tushishi mumkin. Shamol g‘arbdan yesib, kechalari 2 daraja sovuqdan 3 daraja iliqqacha, kunduzi 10–15 daraja iliq bo‘ladi. 4-dekabrda kunduzi 8–13 daraja atrofida bo‘ladi.
Qashqadaryo va Surxondaryoda havo iliq va barqaror. Kunlar asosan quruq o‘tadi, faqat 4-dekabrda Qashqadaryoda ayrim hududlarda yomg‘ir ehtimoli bor. Kechasi 0–5 daraja iliq, ba’zan 2 daraja sovuqqacha tushishi mumkin. Kunduzi 12–17 daraja iliq, 4-dekabrda esa 10–15 daraja atrofida bo‘ladi.
Andijon, Namangan va Farg‘onada ob-havo sokin, ko‘pincha o‘zgaruvchan bo‘lishi kuzatiladi va yog‘ingarchilik kutilmaydi. Tuman tushishi ehtimoli bor. Shamol 5–10 m/s tezlikda esadi. Kechasi 2 daraja sovuqdan 3 daraja iliqqacha, kunduzi esa 8–13 daraja iliq bo‘ladi.
Tog‘li hududlarda 1–3-dekabrda havo quruq, 4-dekabrda ayrim joylarda yomg‘ir yoki qor kuzatilishi mumkin. Shamol g‘arbdan 7–12 m/s. Harorat kechasi 2 daraja sovuqdan 3 daraja iliqqacha, kunduzi 5–10 daraja iliq bo‘ladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
