Kelgusi yildan boshlab O‘zbekistonda soliq to‘lovlarda namuna bo‘lgan 100 ta mahalla har yilgi “Eng yaxshi soliq to‘lovchi mahalla” sifatida e’tirof etilib, davlat byudjeti hisobidan 2 milliard so‘mdan rag‘batlantiriladi. Tashabbusning asosiy maqsadi — mahallalarda soliq intizomini oshirish va faol aholini qo‘llab-quvvatlash.
Qoidalarga ko‘ra, tashabbusli byudjet doirasida ikki marta ketma-ket g‘olib bo‘lgan mahallalar keyingi mavsumlarda loyiha kiritish cheklovlaridan ozod qilinadi. Shuningdek, agar loyiha qiymatining 25 foizi aholi tomonidan qoplansa, qolgan 75 foizini davlat moliyalashtiradi.
Tanlovda saralangan 100 ta mahallaning har biri 2 milliard so‘m mablag‘ni “Mahalla ijtimoiy-iqtisodiy muammolarini hal etish jamg‘armasi” orqali qabul qiladi. Ushbu pullar infratuzilmani yaxshilash, obodonlashtirish va aholiga qulaylik yaratish ishlariga yo‘naltiriladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
