Ayni vaqtda "Qamchiq" dovonida maydalab yomgʻir va qor yogʻmoqda

Kuni kecha dovonda qor yogʻishi munosabati bilan yoʻllarda xavfsiz harakatni taʼminlash choralari koʻrilmoqda. Shuningdek, FVV qutqaruvchilari tomonidan nazorat tadbirlari olib borilib, yoʻlda qolib ketgan haydovchi va ularning avtotransport vositalariga yordam koʻrsatilmoqda. Dovonda ikki tomonlama avtomobillarning harakati davom etmoqda.

Shu oʻrinda, Favqulodda vaziyatlar vazirligi yoʻl transport hodisalari bilan bogʻliq favqulodda vaziyatlarning oldini olish maqsadida, dovon hududida harakatlanishda haydovchilardan barcha xavfsizlik choralarini koʻrishlarini soʻrab qoladi.