Dam olish kunlari havo ochilishi kutilmoqda
0
“O‘zgidromet” dam olish kunlari kuzatiladigan ob-havo ma’lumotini e’lon qildi. Unga ko‘ra, bugun kunduzi va kechasi O‘zbekiston hududi sovuq antitsiklon ta’siri ostida bo‘ladi. Shu sabab havo harorati asosan bugun kunduzi 0–3 daraja sovuq atrofida saqlanadi, sovuqlik sezilarli bo‘lishi mumkin.
24 yanvar kuni kunduzi sovuq antitsiklon O‘zbekiston hududidan yiroqlashadi va sovuq havo massalarining ta’siri asta-sekin kuchsizlanadi. Natijada harorat kunduzi 0–3 daraja iliq atrofida bo‘ladi. Ya’ni kun davomida havo sal yumshab, sovuq unchalik keskin sezilmaydi.
25 yanvar kuni havo harorati nisbatan ko‘tariladi. Kechalari 3 daraja sovuqdan 2 daraja iliqqacha kuchsizlashadi, kunduz kunlari esa 5–8 daraja iliqqacha isiydi. Bu o‘z navbatida dam olish kunlari uchun biroz qulayroq ob-havo shakllanishini anglatadi.
Shu bilan birga, 24–25 yanvarda respublika bo‘yicha ba’zi joylarda shamol tezligi 15–20 m/s gacha kuchayadi, ayrim hududlarda ba’zida 22–25 m/s gacha kuchayishi mumkin. Demak, havo iliqroqqa burilsa-da, shamol sabab sovuq hissi pasaymasligi, ochiq joylarda esa ehtiyot bo‘lish kerak bo‘ladi.
Toshkentda esa bugun va ertaga yog‘ingarchilik kutilmaydi. Biroq kechasi va ertalab tuman tushishi mumkin. Shu bois, yo‘lga chiqadiganlar uchun tumanli paytda tezlikni oshirmaslik, masofani saqlash va diqqatni kuchaytirish muhim hisoblanadi.
“Zamin”ni Telegramʻda oʻqing! 
