Bugun, 29 may kuni Qirg‘iz Respublikasi hududida yer qimirlashi sodir bo‘ldi. Bu haqda Respublika Seysmoprognostik monitoring markazi ma’lumot berdi.
Qayd etilishicha, zilzila Toshkent vaqti bilan soat 13:15 da kuzatilgan. Yer qimirlashining magnitudasi 4,8 ni tashkil etgan bo‘lib, o‘choq chuqurligi 10 kilometrni tashkil qildi. Zilzila epitsentri Toshkent shahridan 387 kilometr shimoliy-sharqda joylashgan. Koordinatalari esa 41,6 daraja shimoliy kenglik va 73,84 daraja sharqiy uzunlik sifatida qayd etilgan.
Ma’lumotlarga ko‘ra, yer silkinishi O‘zbekistonning ayrim hududlarida ham sezilgan. Jumladan:
— Xonobod tumanida — 2 ball, 114 km;
— Qo‘rg‘ontepa tumanida — 2 ball, 124 km;
— Paxtaobod tumanida — 2 ball, 137 km;
— Jalaquduq tumanida — 2 ball, 140 km.
Hozircha zilzila oqibatida jabrlanganlar yoki vayrongarchiliklar haqida rasmiy ma’lumot berilmagan.
“Zamin”ni Telegramʻda oʻqing!
