8 390
Samarqanddagi sobiq zavod o‘rnida Samarkand city erkin turistik hududi tashkil etiladi
«Prezidentimiz Sh.Mirziyoyevning Samarqand viloyatiga tashrifi mobaynida shahardagi Amir Temur ko‘chasida joylashgan «Alpomish» MChJ (sobiq «Krasnыy dvigatel» zavodi)ning bino va inshootlarini hamda ular joylashgan va tutashgan er maydonlarini Samarqand shahar hokimligi balansiga berilishi va «Alpomish» MChJga teng qiymatli bino-inshootlar berilishi yoki uning qiymatini belgilangan tartibda to‘lanishi belgilab berilgan edi», — dedi Samarqand shahar hokimi V.Rahimov 16 iyun kuni jurnalistlar bilan o‘tkazilgan matbuot anjumanida.
Samarqand shahar hokimining farmoyishi asosida «Alpomish» MChJning bino va inshootlarini qabul qilish bo‘yicha ishchi guruh tuzilib, hududda to‘liq xatlov ishlari olib borildi.
MChJning bino va inshootlarini, ular joylashgan hamda tutashgan er maydonlarini shahar hokimligi balansiga o‘tkazish bo‘yicha qaror qabul qilindi. Viloyat hokimligi, Samarqand shahar hokimligi va «Alpomish» MChJ ta’sischilari (ular orasida rossiyalik va xitoylik tadbirkorlar ham bor) o‘rtasida kelishuv bayonnomasi tuzildi.
«Alpomish» MChJga Gagarin ko‘chasidagi 3582 kv. metr bo‘lgan 5 qavatli ma’muriy bino va yordamchi bino-inshootlarga doimiy egalik qilish huquqi berildi.
«Alpomish» MChJning hududida Samarkand city erkin turistik hududini tashkil qilish, loyihani amalga oshirish muddatini, moliyalashtirish manbalarini, loyiha ijrochilarini, zavod hududini yangi qurilish ishlariga tayyorlash mexanizmlarini aniqlash bo‘yicha topshiriqlar ijrosi tegishli tartibda olib borilmoqda, dedi shahar hokimi V.Rahimov matbuot anjumanida.
Turizmni rivojlantirish davlat qo‘mitasi tomonidan «Alpomish» MChJ hududida Samarkand city erkin turistik hududni tashkil etish bo‘yicha konsepsiya ishlab chiqilib, viloyat hokimligiga, Davlat qurilish va arxitektura qo‘mitasiga, TIF «Milliybank»ka kelishish uchun kiritilgan.
Samarkand city erkin turistik hududida zamonaviy mehmonxonalar va boshqa turistik infratuzilma ob’ektlarining qurilishini moliyalashtirish uchun xorijiy strategik (Janubiy Koreya, Turkiya va Xitoy) hamda mahalliy investorlarni jalb qilish bo‘yicha amaliy ishlar boshlandi, dedi bu boradagi so‘zlarini yakunlar ekan, Samarqand shahar hokimi Vohid Rahimov.
Manba: Kun.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Toshkentda 02 kodli avtoraqamlar taxminan qachon paydo bo‘lishi aytildi
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Vladimir Putin «Krokus»da sodir etilgan terakt uchun o‘ch olishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Amerikalik olimlar barcha uchun birdek foydali jismoniy faollik turini aniqladi