Xitoy O‘zbekiston fuqarolari uchun viza olish tartibini soddalashtirdi

XXRning Toshkentdagi elchixonasi 2017 yilning 1 avgustdan Xitoyga xizmat va tijorat maqsadida boruvchi O‘zbekiston fuqarolariga viza olish masalalari bo‘yicha qo‘shimcha qulayliklarni yaratdi.

Vazirlik va idoralarning davlat xizmatchilari uchun vizalar nota, yuqorida ko‘rsatilgan idoralar rasmiy yoki kafolat xatlari va Xitoy tomonining taklifi orqali beriladi.

Ishbilarmon doiralar vakillari uchun esa viza O‘zbekiston Savdo-sanoat palatasining kafolat xati, palatada ro‘yxatdan o‘tganlik to‘g‘risidagi guvohnoma, lisenziya va Xitoy tomonining taklifi orqali beriladi.

Ikkala holatda ham XXR mas’ul organi tomonidan rasmiy taklif berilishi majburiy emas. “Zamin”ni Telegramʻda oʻqing!