O‘zbekiston va Turkmaniston o‘zaro hamkorlik qiladi

Turkmaniston parlamenti 5-chaqiriq Majlisi 22-kengashining navbatdagi yig‘ilishida deputatlar qator qonunlar va me’yoriy-huquqiy hujjatlarni muhokama etib, qabul qilishdi, deb xabar berdi «O‘zbekiston 24».

Deputatlar "Turkmaniston Respublikasi va O‘zbekiston Respublikasi o‘rtasidagi strategik hamkorlik to‘g‘risidagi shartnomani ratifikatsiya qilish to‘g‘risida", "Turkmaniston va Qozog‘iston Respublikalari o‘rtasida strategik hamkorlik to‘g‘risidagi shartnomani ratifikatsiya qilish to‘g‘risida"gi hujjatlarni tasdiqladilar.

Parlament tomonidan qabul qilingan qonunlar Turkmaniston prezidentiga imzolash uchun yuboriladi va shundan so‘ng kuchga kiradi.