Tojikiston O‘zbekistonga yagona qo‘shma brend ostida yangi bozorlarga chiqishni taklif qilmoqda, deya xabar berdi mahalliy OAV.
Tojikiston Savdo-sanoat palatasi raisi Sharif Saidning aytishicha, bu ikki mamlakat savdo-iqtisodiy hamkorlikda muvaffaqiyatga erishishiga imkon beradi. Uning so‘zlariga ko‘ra, so‘nggi yillarda ko‘rsatkichlarning o‘sish dinamikasiga qaramasdan, mamlakatlar o‘rtasida ikki tomonlama savdo hajmi qoniqarli emas.
«Maqsadimizga erishish uchun biz elektron tijorat, lizing, qo‘shma innovatsion ishlab chiqarishlarni yaratish kabi zamonaviy usullardan foydalanishimiz, va shu orqali «Tojikiston-O‘zbekiston» qo‘shma brendi ostida boshqa mamlakatlar bozorlariga kirishimiz mumkin. Biz mavjud bo‘lgan erkin iqtisodiy zonalarning afzalliklari va imtiyozlaridan ham foydalana olamiz» - deya ta’kidlab o‘tdi Tojikiston Savdo-sanoat palatasi raisi Toshkentdagi biznes-forumda.
Uning bildirishicha, o‘zbek tadbirkorlari bu imkoniyatlardan foydalanib, Tojikistondagi ulushlari va investitsiyaviy faolliklarini sezilarli darajada oshirishlari mumkin.
O‘zbekistonda bugungi kunda Tojikiston kapitali ishtirokida 24 korxona faoliyat ko‘rsatmoqda, ulardan biri – 100 foizlik xorijiy investitsiyalarga ega. O‘z navbatida Tojikiston hududida O‘zbekiston rezidentlari ishtirokida 9 korxona tashkil etilgan. Joriy yilning to‘qqiz oyida O‘zbekiston-Tojikiston savdo hajmi 178,2 million dollarga teng bo‘ldi.
Manba: Kun.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Buxoro viloyatida «Neksiya-3» avtomashinasi buklanib qoldi
Eronning Isroilga hujumi shunchaki spektakl edimi?..
Mojarodan so‘ng Ukrainani nima kutayotgani ma’lum bo‘ldi
Davlat xavfsizlik xizmati maklerlarga qo‘shib mansabdorlarni ham qo‘lga oldi
“Tolibon” Eronning Isroilga qarshi hujumini qo‘llab-quvvatladi
Crocus teraktida ayblanayotgan tojikistonlik Muhammadsobir Fayzovning qarindoshlari o‘z haqiqatlari bilan bo‘lishdi