Investitsiyalar va investitsiya faoliyati toʻgʻrisidagi qonun konsepsiyasi ishlab chiqildi

Davlat investitsiya qoʻmitasi ekspert va ilmiy doiralar vakillari bilan hamkorlikda “Investitsiyalar va investitsiya faoliyati toʻgʻrisidagi qonun” konsepsiyasini ishlab chiqdi.

“Investitsiyalar va investitsiya faoliyati toʻgʻrisidagi qonun”investitsiya faoliyatini huquqiy tartibga solishda asosiy normativ-huquqiy hujjat vazifasini oʻtaydi.

Investitsiya qonunining asosiy vazifalari quyidagilar hisoblanadi:

- investitsiya munosabatlarini huquqiy jihatdan tartibga solinib turilishini takomillashtirish;

- investitsiya faoliyatini davlat tomonidan tartibga solish mexanizmlarini optimallashtirish va huquqiy jihatdan tartibga solish;

- investitsiya faoliyatini tartibga solish ustuvorliklarini belgilash;

- tushuncha apparatini tizimlashtirish;

- investitsiya qonunchiligida qarama-qarshiliklarni bartaraf etish va kolliziyalarni hal qilish;

- investitsiya loyihalarini amalga oshirishda davlat-xususiy hamkorlikni rivojlantirishga amaliy yordam koʻrsatish;

- investitsiya faoliyatini tashkil qilish va rivojlantirish monitoringi tizimini rivojlantirishga amaliy yordam koʻrsatish;

- investitsiya faoliyatini rivojlantirishda byurokratik toʻsiqlarni bartaraf etish;

- investitsiya faoliyati subyektlarini huquqiy jihatdan himoya qilinishini mustahkamlash. “Zamin” yangiliklarini “Odnoklassniki”da kuzatib boring