Foto: dunyo.info
Joriy yil 3 fevral kuni O‘zbekiston va San-Marino o‘rtasida diplomatik munosabatlar o‘rnatish to‘g‘risidagi protokolni rasmiy imzolash marosimi bo‘lib o‘tdi, deb xabar bermoqda «Dunyo».
Mamlakatning Italiyadagi elchixonasi ma’lumotiga ko‘ra, hujjatni O‘zbekiston tomonidan elchi Otabek Akbarov, San-Marino tomonidan esa ushbu davlatning Italiyadagi elchisi Daniela Rotondaro imzoladi.
Ikki mamlakatda ichki protseduralar o‘tkazilgandan so‘ng, mazkur hujjat kuchga kiradi va San-Marino O‘zbekiston bilan diplomatik munosabatlar o‘rnatgan 136-davlat bo‘ladi.
San-Marino dunyodagi eng kichik davlatlardan biri hisoblanadi. Mamlakat to‘rt tomondan ham Italiya bilan chegaradosh. San-Marino aholi jon boshiga yalpi ichki mahsulot ko‘rsatkichi bo‘yicha (2020 yil – 56 ming 690 dollar) dunyodagi eng boy mamlakatlardan biridir.
Elchi Daniela Rotondaroning fikriga ko‘ra, ikki mamlakat oziq-ovqat xavfsizligi va sog‘lom ovqatlanishni ta’minlash hamda kambag‘allikni bartaraf etishda birgalikda ishlashi mumkin.
Shuningdek, u o‘zaro munosabatlarni savdo-iqtisodiy hamkorlik orqali rivojlantirishdan manfaatdorligini qayd etdi. Xususan, elchining so‘zlariga ko‘ra, San-Marino investitsiyalarni o‘zaro himoya qilish va rag‘batlantirish, ikki tomonlama soliqqa tortmaslik to‘g‘risidagi shartnomalarni ishlab chiqish va imzolashga tayyor. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina bosh vaziri: “Rossiya urush davomida Ukrainada 250 mingdan ortiq turar joy binosini vayron qildi”
Bayden: “AQSH butun dunyoda matbuot erkinligi bo‘g‘ilishiga javoban sanksiyalar joriy qilmoqchi”
AQSH Ukrainaga yana 50 mlrd dollar ajratishni taklif qildi
Erkin Komilov Sherali Jo‘rayev bilan o‘tgan yoshligi va Zulxumor Qodirova haqida nimalarni gapirdi?
5 may kuni respublika hududida kuzatiladigan ob-havo ma’lumotlari
“Zenit” futbolchisi Fayzullayev haqida nimalar dedi?
Ishsizlik nafaqasi miqdorini belgilashga aniqlik kiritilmoqda
AQSH va Yaponiya gipertovushli qurollarni urib tushirish uchun raketa yaratadi