O‘zbekistonda hafta o‘rtasidan harorat 25 darajagacha ko‘tariladi

Hafta davomida yog‘ingarchilik kutilmaydi, havo, asosan, quyoshli bo‘ladi, deb xabar bermoqda «O‘zgidromet».

Qayd etilishicha, 11—12 oktabr kunlari respublika sovuq antisiklon ta’siri ostida bo‘ladi. Sovuq havo, asosan, tungi haroratga ta’sir qilib, 2-5 daraja iliqni tashkil etadi. Kunduz kuni harorat 18-20 daraja atrofida iliq bo‘ladi.

Hafta o‘rtasidan havo harorati asta-sekin ko‘tarila boshlaydi va oktabr oyining o‘rtalari uchun bo‘lgan me’yoriy qiymatlarga yetadi. Havo harorati kechalari 6-9 daraja iliq, kunduz kunlari 20-23 daraja iliq atrofida, janubda 25 daraja iliqqacha ko‘tariladi.

Hafta davomida yog‘ingarchilik kutilmaydi, havo quyoshli bo‘ladi. 12—13 oktabrda respublika bo‘yicha ba’zi joylarda shamol tezligi 15-20 metr/sekundgacha kuchayishi mumkin. “Zamin”ni Telegramʻda oʻqing!